मॅन इटर्स अँड मेमरीज

मॅन इटर्स अँड मेमरीज

( शिकारीचे दिवस ) 

मूळ लेखक ..जे ई. कॅरिंगटन

अनुवाद..लालू दुर्वे

नावीन्य प्रकाशन

लेखक इंडियन फॉरेस्ट सर्व्हिसमधून निवृत्त झाले.त्यांनी डेहराडून ,नैनिताल, महाबळेश्वर येथील जंगलात काम केले होते. त्यांनी अनेक शिकारी केल्या .वन्यजीव निरीक्षण त्यांचा छंद होता.

लेखकाने अतिशय थोडक्या नेमक्या शब्दात सर्व वर्णन केले आहे .त्यात कुठेही अतिशोयक्ती वाटत नाही.

अस्वलाच्या गोष्टी या कथेत त्यांनी अस्वल आणि छोटे पिल्लू यांनी केलेल्या धान्याची चोरीचे वर्णन वाचून हसू येते. तर काळा नरभक्षक या कथेत काळ्या बिबळ्याच्या शिकारीचे अंगावर काटा येणारे वर्णन आहे.

वनराज आणि वनवराह कथेत वन्यप्राणी निरीक्षण कसे करावे .दोन प्राण्यांची झुंज कशी श्वास रोखून पहावी हे शिकवतात.

हत्तीच्या गोष्टी कथेत हत्ती कसे पकडतात .त्यांचा शिकारीसाठी कसा वापर होतो हे सांगितले आहे.

ज्यांना शिकारकथा आवडतात त्यांना हे पुस्तक नक्कीच आवडेल .