बर्लिन

बर्लिन 

BERLIN

नेटफ्लिक्स वर सर्वात गाजलेली सिरीज म्हणून मनी हाईस्टचे नाव घेतले जाते.त्यामध्ये प्रोफेसर आणि बर्लिन यांचे नाते खूप जवळचे होते.त्यातील बर्लिन हे पात्र घेऊन ही सिरीज बनवली आहे.ही स्पॅनिश सिरीज मनी हाईस्टप्रमाणे प्रसिद्ध आणि यशस्वी होणार हे नक्की.

मनी हाईस्ट आणि बर्लिन या एकमेकांशी संबंधित असतील.कदाचित पुढच्या सीजनमध्ये जास्त लक्षात येईल. ही चोरी मनी हाईस्टच्या खूप वर्ष आधीची आहे.

देशाच्या अनेक शहरात विखुरलेले किमती दागिने लिलावासाठी एकत्र जमा केले जाणार आहेत. त्याची एकूण किंमत 44 लाख युरो आहे. दागिन्यांची संपूर्ण जबाबदारी पॉलिग्नसकडे आहे.दागिने कधी तिजोरीत येणार याची माहिती फक्त त्यालाच आहे.

बर्लिन आणि त्याची टीम अश्या चोऱ्या करण्यात पटाईत आहे. त्याच्याकडे एकूण सहाजण आहेत.त्यात तिजोरी फोडणारे एक्सपर्ट आणि कॉम्प्युटर हॅकर ,आहेत.स्वतः बर्लिन योजना बनविण्यात कुशल आहे.अतिशय कडेकोट बंदोबस्तात असलेली तिजोरी फोडण्यात बर्लिन आणि त्याचे साथीदार यशस्वी होतील का ??

चोरी करणे फारसे कठीण नाही तर त्यानंतर ती पचविणे खूप कठीण आहे.आणि ती कशी पचवायची याची योजना बर्लिनने तयार केलीय.

पण चोरी करताना अडथळे येणारच.कुठेतरी योजनेत अनपेक्षित चुका होतात. 

आता 44 लाख युरोचे दागिने कसे चोरी होतात आणि त्यानंतर सर्व टीम कशी देशाबाहेर पळून जाते हे पहायचे असेल तर श्वास रोखून धरणारी ही सिरीज  पाहायलाच हवी.

नेटफलिक्सवर ही सिरीज हिंदी भाषेत आहे.