लिफ्ट

LIFT

लिफ्ट

सायरस आणि त्याची टीम पुरातन कलात्मक वस्तूंच्या चोऱ्या करते. नुकतेच त्यानी अतिशय कुशलतेने एका लिलावातून मूल्यवान पेंटिंग चोरली होती.

त्या पेंटिंगच्या शोधात इंटरपोल अधिकारी एबी त्यांच्यापर्यंत पोचते.पण त्याचवेळी  सायरसला पाचशे कोटी किमतीच्या सोन्याची चोरी करण्याची ऑफर इंटरपोलकडून मिळते. ह्या सोन्याचा वापर दहशतवादी कारवायांसाठी होणार आहे अशी इंटरपोलला खात्री असते.सोने कायदेशरीत्या जाणार आहे त्यामुळे इंटरपोल काहीच करू शकणार नाही.

हे सोने चोरून इंटरपोलला दिले तर सायरस आणि त्याच्या साथीदारांची सर्व आरोपातून मुक्तता होणार आहे .पण एबीसोबत असल्याशिवाय सोने चोरणार नाही अशी अट सायरस घालतो.एबी त्यासाठी तयार होते.

सोने विमानातून दुसरीकडे जाणार आहे.त्याचे वजन दहा टन असते.जमिनीवरून सोने पळविणे शक्य नाही तेव्हा विमानातून ते चोरायचे असे ठरते.पण ते खूप कठीण आहे. सोन्याच्या तिजोरीपर्यंत जाऊन ती उघडणे यासाठी फारच कमी वेळ आहे आणि सुरक्षा कडेकोट आहे.

प्रत्यक्षात कृती सुरू होते तेव्हा त्यात अनपेक्षित अडचणी येतात. सायरस आणि त्याची टीम खरोखर ते सोने चोरण्यात यशस्वी होतील का ? 

एक वेगवान ,थरारक श्वास रोखून धरणारा चित्रपट नेटफ्लिक्स वर हिंदी भाषेत आहे.