रोल प्ले

Role Play

रोल प्ले

इमा खरे तर एक कॉन्ट्रॅक्ट किलर .तिचे एक छान कुटुंब आहे. नवरा डेव्ह आणि दोन मुले असा तिचा संसार आहे.कामानिमित्त बाहेर जाते तेव्हा ती हत्या करते.

यावेळी ती नुकतीच एक हत्या करून घरी आली पण आपल्या लग्नाचा वाढदिवस आहे हेच विसरून गेलीय.याची शिक्षा म्हणून डेव्ह आणि ती रोल प्ले करायचे ठरवितात.

एका हॉटेलात खोट्या नावाने डेव्ह रूम बुक करतो .तर इमा वेषांतर करून खोटे नाव घेऊन तिथे त्याला अनोळखी स्त्री म्हणून भेटणार असे ठरते.

पण डार्क वेब मध्ये तिच्या नावाचेच ओपन कॉन्ट्रॅक्ट निघते आणि एक कॉन्ट्रॅक्ट किलर बॉब तिच्या मागावर निघतो. बॉब तिला हॉटेलमध्ये गाठतो पण ती त्याला ठार करते.

दुसऱ्या दिवशी बॉबच्या हत्येची बातमी टीव्हीवर येते आणि डेव्ह हादरतो. इकडे इमा पुन्हा बिझनेस ट्रिपचे कारण सांगून घराबाहेर पडते.

आता तिला आपल्या कुटुंबाला  वाचवायचे आहे.तिच्यासोबत कुटुंबही धोक्यात आहे.जिथे जाईल तिथे पाठलागावर व्यावसायिक मारेकरी मागे आहेत.

ती यातून वाचेल का ?

एक हलका फुलका वाटणारा चित्रपट अचानक थरारपट बनतो.पुढे काय होणार याची उत्सुकता वाढत जाते. 

वेगवान असा हा रोल प्ले प्राईम वर हिंदी भाषेत आहे .