फूल मी वन्स

FOOL ME ONCE

फूल मी वन्स

बरकेट फॅमिली लंडनमधील प्रसिद्ध फॅमिली आणि उद्योजक .त्यांचे जगभरात औषध उत्पादनाचे कारखाने आहेत.अनेक खेळांना ते स्पॉन्सर करतात. ज्यूडीथ बरकेट फॅमिली प्रमुख स्त्री आहे.जी स्वतः मानसोपचारतज्ञ आहे. ज्यूडिथच्या एका मुलाने ज्योने मायाशी लग्न केलंय. माया आर्मीत पायलट होती.एका घटनेने तिची नोकरी गेली आता ती खाजगी हेलिकॉप्टर प्रशिक्षक आहे.

मायाची बहीण क्लेयर ज्योच्या कंपनीत काम करते. एके दिवशी अज्ञात चोर तिच्या घरात शिरतो आणि गोळी झाडून तिला ठार मारतो .माया त्यावेळी बाहेरगावी असते .त्यानंतर चार महिन्यांनी ज्योची मायाच्या समोर दोन चोर हत्या करतात आणि पळून जातात.

इंस्पेक्टर सामीकडे हे प्रकरण तपासासाठी येते.सामी प्रामाणिक अधिकारी आहे.पण तो विचित्र आजाराने त्रस्त आहे. मध्येच त्याच्या डोळ्यासमोर अंधार येतो .कधी त्याला छोटा अटॅक येतो.

 क्लेयर आणि ज्योची हत्या एकाच बंदुकीतून झालीय हे सामी शोधून काढतो .त्याचा मायावर संशय असतो .मायाला चार वर्षांची लिली नावाची मुलगी आहे.

 एके दिवशी छुप्या कॅमेऱ्यात मायाला ज्यो लिलीशी खेळताना दिसतो आणि ती हादरते. ती या प्रकरणाच्या मुळाशी जाण्याचे ठरविते .त्यासाठी ती आपल्या सैन्यातील पोलीस मित्राची मदत घेते. हळूहळू तिला सत्य काय आहे ते कळते.

आठ भागाची ही सिरीज अतिशय रोमांचकारी आणि उत्कंठा वाढविणारी आहे.यात हिंसाचार ,चित्तथरारक पाठलाग ,गोळीबार ,हाणामारी वगैरे अजिबात नाही .ही एक वेगवान तपासकथा आहे ज्यात आपण नकळत ओढले जातो आणि शेवट पाहून धक्का बसतो.

नेटफ्लिक्सवर हिंदी भाषेत आहे .