Abraham Ozler

Abraham Ozler

अब्राहम ओझलर

एसीपी अब्राहम ओझलर सुट्टीसाठी बाहेरगावी जातो आणि तिथे एका फेक कॉलमुळे बायको आणि छोटी मुलगी नाहीशी होते. आता त्या गोष्टीला तीन वर्षे उलटली आहेत.अब्राहम एका कैद्याकडून आपल्या कुटुंबाची माहिती मिळवण्याचा प्रयत्न करतो पण यश मिळत नाही.

एके रात्री रस्त्यावरील अपघातात एक तरुण जखमी होतो. ऍम्ब्युलन्स त्याला हॉस्पिटलमध्ये घेऊन जाते .तो तिथे बरा होत असतानाच कोणीतरी त्याची हत्या करतो.

 तपासाची जबाबदारी अब्राहम ओझलरवर येते.काही दिवसांनी अजून एक खून होतो.यावेळी ही एका तरुणाला चक्कर येते म्हणून हॉस्पिटलमध्ये ऍडमिट केले जाते आणि सिटीस्कॅन होत असताना त्याला ठार मारले जाते. खून करणारा एक डॉक्टर आहे हे ओझलर ओळखतो आणि त्याला साथ देणारा दुसरा व्यक्ती आहे असे दिसून येते. मीडिया या खुन्याला बर्थ डे किलर असे नाव देते.

ओझलर खऱ्या खुन्याना शोधून काढेल का ?? या खुनामागे काय कारण असेल ? या प्रकरणाचा तपास करताना ओझलरला आपल्या कुटुंबाचा पत्ता लागेल का ?? 

जयराम ओझलरच्या प्रमुख भूमिकेत आहे .तर सुपरस्टार ममूटी छोट्या पण महत्वपूर्ण भूमिकेत आहे .चित्रपट शेवटपर्यंत उत्कंठा ताणून धरतो आणि याचा दुसरा भाग येईल हे सूचित करतो.

चित्रपट हॉटस्टारवर हिंदी भाषेत आहे.