Cocaine Bear
कोकेन बियर
त्याने विमानातून साधारण तीनशे किलो कोकेनच्या बॅग्स जंगलात फेकल्या आणि नंतर पॅराशूट घालून उडी मारली पण त्याचे पॅराशूट उघडले नाही .कोकेन च्या बॅग्स त्या जंगलात विखुरल्या गेल्या.
त्या बॅग्स परत आणायची जबाबदारी काहींनी घेतली आहे आणि त्या जंगलात ते बॅग्स शोधायला निघाले आहेत.
त्या जंगलात तरुण जोडपे ट्रेकिंगला आले आहेत.त्यांना ते भले मोठे अस्वल दिसते. ते अस्वल त्यांच्यावर हल्ला करते आणि स्त्रीचा जीव जातो.
दोन लहान मुले जंगलात खेळायला येतात .त्यांना एक कोकेनचा बॉक्स सापडतो .ते थोडी कोकेन चाखून बघतात पण त्यांना चव आवडत नाही.अचानक एक भले मोठे अस्वल त्यांच्या समोर उभे राहते.त्याचे तोंड कोकेनने पांढरे झालेय.ते त्या मुलांच्या मागे लागते.मुलगा उंच झाडावर चढतो तर मुलगी खोल जंगलात पळून जाते.
मुलीची आई जंगल रेंजरकडे तक्रार घेऊन येते.रेंजर तिची तक्रार हलक्यात घेते.पण तिला घेऊन ते मुलांना शोधायला निघतात .अचानक अस्वल त्यांच्यावर हल्ला करते.
कोकेन खाऊन अस्वल नशेत धुंद झालाय .तो सर्वांवर हल्ले चढवितो आहे. जंगलात कोकेन परत मिळविण्यासाठी आलेले गुंड आहेत.त्यांच्यामागे पोलीस अधिकारी आहे . मुले हरवली आहेत .त्यांची आई ही जंगलात फिरतेय. तर अस्वलालाही कोकेनची नशा हवी आहे .तो ही कोकेनच्या शोधत फिरतोय आणि समोर येईल त्याला क्रूरपणे मारतोय .
याचा शेवट काय होईल ??
नेटफ्लिक्सवर हिंदी भाषेत हा चित्रपट आहे.अस्वलाने हल्ला करतानाची दृश्य क्रूरपणे चित्रित केली आहेत.
No comments:
Post a Comment