महाराज

Maharaj

महाराज 

1832 साली गुजरातमधील एका छोट्या गावातील मुलजी  परिवारात करसनदासचा जन्म झाला .मुलजी परिवार वैष्णव संप्रदायातील . 

लहानपणापासून करसनदासला खूप प्रश्न पडायचे .पण दहा वर्षाचा असताना त्याची आई वारली आणि मामा मुंबईला घेऊन आला .

त्यावेळी बॉम्बे म्हणजे आताची मुंबई सात बेटात विखुरली होती.काळबादेवीत मोठ्या हवेल्या होत्या.तिथेच करसनदास मोठा झाला .पण प्रश्न विचारायची सवय काही जात नव्हती.त्यात दादाभाई नवरोजी सारख्या मोठ्या लोकांचा आशीर्वाद त्याच्या मागे होता.तो आपल्या लेखातून समाजातील गंभीर प्रश्न मांडायचा .विधवा पुनर्विवाह ,जाती भेद यावर मते मांडायचा .

त्याचे किशोरीसोबत लग्न ठरले होते .आज होळी आहे .त्याला पहिला रंग किशोरीला लावायचा होता पण महाराज यदुनाथ उर्फ जेजेने रंग लावल्याशिवाय तुला रंगवायला देणार नाही असे किशोरीने त्याला स्पष्टपणे सांगितले होते.

जेजेच्या हवेलीत होळी उत्सव मोठ्या प्रमाणात साजरा होतो .जेजे स्वतःला ईश्वरी अवतार समजतो. त्यांच्यामुळे पंथाचा प्रसार भारतभर झालाय आणि खूप पैसा मिळतोय.लोकांची त्याच्यावर मनापासून श्रद्धा आहे . त्याचे उष्ट केलेले अन्न खाणे आपला गौरव समजतात .

जेजेची नजर आज किशोरीवर पडली आणि तिला चरणसेवेसाठी आमंत्रित केले.किशोरीच्या घरच्यांना ही गर्वाची गोष्ट वाटली .किशोरीलाही आनंद झाला .ती जेजेच्या खोलीत शिरली .चरणसेवा पहायची जेजे पैसे घेतो.त्याच्या खोलीला चहुबाजूंनी खिडक्या आहेत.

करसनदास किशोरीला शोधत जेजेच्या खोलीत शिरतो आणि तिला पाहून हादरतो .ती त्याच्यासोबत न जाता जेजेची चरणसेवा स्वीकारते.चिडून करसनदास लग्न मोडतो .पुढे किशोरीला सत्य कळते आणि ती चिट्ठी लिहून माफी मागते.

करसनदास जेजेचे सत्य लोकांपुढे आणायचे ठरवितो.तो सत्यप्रकाश नावाचा पेपर काढतो .जेजेचे साथीदार त्याला नेहमीप्रमाणे त्रास देतात पण करसन्दास हार मानीत नाही.तो पेपर मधून जेजे विरुद्ध लिहितो .आता जेजेच त्याच्यावर मानहानीचा दावा ठोकतो .

करसनदास हा खटला जिंकेल का ?? धर्म भक्ती अंधविश्वास यात अडकलेले  लोक करसनदासला साथ देतील का ?? 

1862 साली मुंबई कोर्टात घडलेल्या सत्य घटनेवर हा चित्रपट आहे.

अमीर खानचा मुलगा जुनेद खानने या चित्रपटाद्वारे पदार्पण केले आहे.करसनदास त्याने दमदारपणे रंगविला आहे.

जयदीप अहलावटने  जेजेच्या भूमिकेत छाप पाडली आहे.

हा चित्रपट हिंदी भाषेत नेटफ्लिक्सवर आहे.