कलि ..एक शोध .…भाग 2...विनय राजेंद्र डोळसे
कलि या पुस्तकाचा दुसरा भाग. कलिची युधिष्ठिराने सुटका केल्यानंतर काय घडते ते यात आहे.
ब्रम्हदेवाच्या योजनेनुसार कलिचा जन्म झाला आणि त्याचा पिता कोण हे ही कळले. जसजसे वय वाढत गेले तसतश्या कलीच्या शक्ती वाढत गेल्या.आपल्या पित्याचा शोध घेण्यासाठी त्याने देवलोकांवर हल्ला करायचे ठरविले.
कलिच्या शक्तीला सर्व देव घाबरून असत.यात देवांची निंदा केली आहे. ब्रम्हा ,विष्णू अतिशय स्वार्थी स्वतःचे हित पाहणारे.. तर महादेव अतिशय भोळा . कलिविरुद्ध लढण्यासाठी देवानी प्रथम दानवाना पाठविले गेले. कलिने त्यांचा सहज पराभव केला.
सर्व देवांचा पराभव करून कलिने त्यांच्यावर पंचवीस अटी लादल्या. त्यानंतर कलिच्या पित्याला एक मोठे कार्य करण्यासाठी पृथ्वीवर जायचे होते त्यासाठी त्याने कलिची परवानगी मागितली.
सुमेधा कलिचा पिता. त्याला पृथ्वीवर नवा धर्म स्थापन करायचा होता . पुढे काय झाले ...?? कलिचा पराभव होईल का ...?? ब्रम्हा विष्णू आपल्या स्वार्थासाठी कलिचा वापर कसा करून घेतील....?? सुमेधाचे अवतार कार्य पूर्ण होईल का ...? त्याला कोणता धर्म स्थापन करायचा आहे ...?? कलिची आणि त्याची भेट होईल का ....??
लेखकाने आपल्या कल्पनाशक्तीच्या आधारे एक छान कादंबरी लिहिली आहे .
No comments:
Post a Comment