कॅप्टन ब्लड... राफेल सबातिनी
अनुवाद .....अमित पंडित
चेतक बुक्स
ही सतराव्या शतकात समुद्री चाचेगिरीची काल्पनिक कथा .इंग्लड आणि वेस्ट इंडिज बेटांच्या सागरी वसाहतीत ही कथा घडते. कॅप्टन ब्लड हा खरा एक कुशल डॉक्टर . सॉमरसेट परगण्यातील ब्रिजवॉटर शहरात तो डॉक्टरकीचा व्यवसाय करतो.
त्याच्या शहरात इंग्लंडचा राजा दुसरा जेम्स याच्याविरुद्ध बंड चालू होते.त्या बंडाचा नेता जखमी होतो . त्याच्यावर उपचार करण्यासाठी ब्लड त्याच्या घरी जातो आणि राजाच्या सैन्याचा बंदी बनतो. पुढे त्याला तीन महिन्यांच्या बंदीवास होतो आणि नंतर वेस्ट इंडिज बेटांवर गुलाम म्हणून विकले जाते .
वेस्ट इंडिज बेटांवर स्पेन सैनिक हल्ला करतात त्यात ब्लड निसटतो आणि एक जहाज ताब्यात घेऊन कॅप्टन ब्लड बनतो. आणि चाचेगिरी सुरू करतो . खरे तर त्याला हा मार्ग पसंद नसतो पण आपल्या साथीदारांच्या पोटासाठी त्याला हे करावे लागते .
पुढे काय होते...?? कॅप्टन ब्लड पुन्हा आपल्या डॉक्टरी पेशाकडे वळून चांगल्या आयुष्याची सुरवात करेल का...??
No comments:
Post a Comment