कडक सिंह

कडक सिंह

Kadak Singh 

ए. के.श्रीवास्तवने आत्महत्या करण्याचा प्रयत्न केला हे ऐकून कोणाचाच विश्वास बसला नाही. सरकारच्या आर्थिक गुन्हे विभागात त्याच्याइतका स्वच्छ प्रतिमेचा आणि कठोर अधिकारी दुसरा कोणीच नव्हता.

 त्यांचे काम इतके अचूक आहे की आत्महत्या करण्यात ही चूक होणार नाही असे त्यांचा सहकारी अर्जुन म्हणतो.

पण सध्या परिस्थितीच वाईट आलीय.अशोक अग्रवालने चिट फंड घोटाळा करून हजारो भागीदारकांचे पैसे बुडविले आहेत.त्या प्रकरणात ए के च्या एका सहकऱ्याने देखील आत्महत्या केलीय.

ए. के. ला शुद्धीवर काहीच आठवत नाही.साक्षी नावाची तरुणी त्याला भेटायला येते आणि त्याची मुलगी म्हणून ओळख सांगते. तेव्हा तो नकार देतो.आदित्य नावाचा पाच वर्षांचा मुलगा आपल्याला आहे असे तो सांगतो.पण आता आदित्य सतरा वर्षाचा आहे. तरीही तो साक्षीची संपूर्ण गोष्ट ऐकून घेतो. घरी आपल्याला कडकसिंह म्हणतात हे ऐकून त्याला हसू येते.

मग त्यागी येतो.त्यागी त्याचा बॉस. तोही ए .के. कोण आहे , तो इथे कसा आला ,चिट फंडची काय भानगड आहे ते सांगतो.ए .के. शांतपणे तेही ऐकून घेतो.

त्यानंतर अर्जुन त्याला त्याच्याकडे असलेली माहिती देतो .मग नैना येते.ती ए. के. ची मैत्रीण असल्याचे सांगते.या सर्व गोष्टी ए. के. आपली नर्स मिस कन्नन सोबत एन्जॉय करत ऐकत असतो.काही गोष्टींची पडताळणी मिस कन्नन करून तो करून घेतो.

एका झटापटीत अशोक अग्रवाल मारला जातो. काही कागदपत्रे तपासल्यावर साक्षीला वाटते आपले वडील आत्महत्या करू शकत नाहीत.

असे काय घडते की ए. के.सारखा कठोर अधिकारी आत्महत्येचे पाऊल उचलेलं ??चिट फंड घोटाळ्यात नक्की कोण कोण अडकले आहेत ? ए. के.ची स्मृती खरच गेलीय की तो नाटक करतोय. 

ह्या सर्वांची उत्तरे हवी असतील तर झी 5 वर कडक सिंह पहायलाच हवा.

कडक सिंहच्या भूमिकेत पंकज त्रिपाठी सोडला तर कोणीही नावाजलेले कलाकार यात नाहीत.अर्धा चित्रपट हॉस्पिटलच्या रूममध्ये आणि पंकज त्रिपाठी बेडवर असताना आहे. पण एक एक धागा जोडत या प्रकरणाच्या शेवटी काय होते हे पाहणे मजेशीर आहे.