The Equalizer 3

The Equalizer 3

द इक्विलायझर 3

आधीच्या दोन भागापासून हा थोडा वेगळा आहे. यात हिंसा कमी, पण जी आहे ती फारच क्रूर आहे.

सिसलीतील एका वायनरी असलेल्या किल्लेवजा गढीत रॉबर्ट मकॅल हल्ला करून वायनारीच्या मालकाला आणि त्यांच्या मालकाला ठार मारतो.

पण निघताना तो जखमी होतो. एक पोलीस अधिकारी त्याला आपल्या अल्टामोंन्टे या छोट्या गावात घेऊन येतो. तेथील डॉक्टर त्याच्यावर उपचार करतो.रॉबर्ट त्याच गावात राहतो.पण अमेरिकेला त्या गढीतील अंमली पदार्थाची माहिती देतो.

अल्टामोंन्टे गावात माफियाचे राज्य आहे.व्हिसेन्ट आणि त्याचा भाऊ तेथील लोकांशी क्रूरपणे वागतात.अंमली पदार्थाच्या पैशातून इटलीत बॉम्बहल्ले होतात. पोलीस प्रमुख व्हिन्सेंटला हे प्रकार बंद करायला सांगतो पण त्यालाच मारहाण होते.आता रॉबर्टलाच काहीतरी करायला हवे.पण तो एकटा या माफियाशी लढेल का ? 

अतिशय टापटीप आणि स्वच्छतेची काळजी घेणारा .हातातील घड्याळात वेळ लावून समोरच्याला मारणारा रॉबर्ट डेंझल वॉशिंग्टनने नेहमीप्रमाणे सहज रंगविला आहे.पण यात तो आधीच्या दोन भागापेक्षा जास्त अग्रेसिव्ह वाटतो.तो लोकांच्यात मिसळतो .त्यांच्याशी मैत्री करतो.पण शत्रूला मारताना नेहमीसारखा थंड रक्ताने मारतो.

ज्यांनी आधीचे दोन भाग पाहिले आहेत त्यांनी हा भाग नक्कीच पहावा .

चित्रपट हिंदी भाषेत नेटफ्लिक्सवर आहे .