The Italian Job
द इटालियन जॉब
जॉन ब्रिगर आणि त्याची टीम प्रोफेशनल चोर आहेत.त्यात चार्ली योजना आखण्यात पटाईत आहे.तर रॉब गाडी चालविण्यात. जॉन आयुष्यातील शेवटची चोरी करणार असतो.इटलीतील व्हेनिस शहरात ते एका माफियाकडील सोने लुटतात .सोने घेऊन पळताना त्यांचाच एक साथीदार स्टिव्ह गद्दारी करून ते सोने ताब्यात घेऊन सर्वाना ठार मारायचा प्रयत्न करतो त्यात जॉन मारला जातो.
जॉनची मुलगी स्टेलाही तिजोरी खोलण्यात तरबेज आहे.ती पोलिसांना मदत करते.एका वर्षांनी चार्ली तिला फिलाडेल्फियात भेटतो आणि स्टिव्हचा पत्ता लागल्याचे सांगतो.आपल्या वडिलांच्या मृत्यूचा बदला घेण्यासाठी स्टेला चार्लीला साथ देण्याचे ठरविते.
स्टिव्ह एका मोठ्या बंगल्यात राहतो .त्याच्या तिजोरीतून सोने पळविण्याची योजना चार्ली आखतो .पण स्टिव्हला त्यांची योजना कळते .तो ते सोने घेऊन दुसऱ्या देशात पळून जायचे ठरवितो. स्टिव्ह यात यशस्वी होईल का ? की चार्लीला आपली योजना आयत्यावेळी बदलावी लागेल ??
एक उत्कंठावर्धक थरारक चोरी पहायची असेल तर नेटफ्लिक्सवर हा चित्रपट हिंदी भाषेत जरूर पहा.
मार्क वॉलबर्ग, जेसोन स्टेथाम, चार्लीझ थेरोन प्रमुख भूमिकेत आहेत. यात बंदुकबाजी नाही ,हाणामारी नाही .फक्त चोरीचे प्लॅनिंग आणि तुफानी पाठलाग आहे.
No comments:
Post a Comment