सजीनी शिंदे का व्हायरल व्हिडिओ
Sajini Shinde Ka Viral Video
सजीनी सूर्यकांत शिंदे पुण्यातील एका प्रतिष्ठित शाळेत फिजिक्स टीचर आहे. सिंगापूरला ती शाळेच्या प्रोजेक्टसाठी जाते.तिच्या प्रिन्सिपलने तिची निवड केली नव्हती . पण तिची मैत्रीण श्रद्धा प्रिन्सिपलशी भांडून तिच्या खर्चाने घेऊन गेली.
सजीनीचे वडील मराठी थिएटरचे लोकप्रिय नट आहेत.त्यांचे नगरचे प्रतिष्ठित घराणे आहे.सजीनीचा होणारा नवरा बंगळुरूमध्ये बहुराष्ट्रीय कंपनीत काम करतो .तो सजीनीला नेहमी मॉर्डन राहायचे सल्ले देत असतो.
त्या दिवशी सजीनीचा वाढदिवस सिंगापूरच्या हॉटेलमध्ये साजरा करतात.त्यावेळी अनेक फोटो आणि व्हिडिओ काढले जातात.सजीनीही मद्यधुंद अवस्थेत नाचते.
त्याचवेळी प्रिन्सिपल मॅडम श्रद्धाकडे प्रोजेक्टचे अपडेट्स मागते आणि चुकून श्रद्धा त्यांचे पार्टीतले विडिओ आणि फोटो पाठविते. त्याच दिवशी तिचा एक व्हिडिओ व्हायरल होतो. सगळेजण चवीने तिचा व्हिडिओ पाहतात.शाळेत पालकांचा मोर्चा निघतो. प्रिन्सिपल मॅडम सिंगापूरला गेलेल्या सर्व टीमला काढून टाकतात. सजीनीचा होणारा नवरा तिच्या विरुद्ध जातो.तिचा बाप ही तिला नाकारतो.
अचानक एक दिवस सजीनी गायब होते.तिची एक चिट्ठी सापडते .त्यात तिने आपल्या होणाऱ्या नवऱ्याचे नाव आणि वडिलांचे नाव लिहिले असते.या दोघांमुळे आपल्याला जास्त त्रास होतोय असे लिहिलेले असते.
सजीनीला शोधायची जबाबदारी स्त्री विभागाच्या इन्स्पेक्टर बेलाकडे आलीय.बेलाला इन्स्पेक्टर राम पवार मदत करतोय. दोघेही दिवसरात्र तिला शोधायचा प्रयत्न करतायत.ती त्यांना सापडेल का ? तिला कोणीतरी डांबून ठेवलंय की तिने आत्महत्या केलीय??
चित्रपटाची पार्श्वभूमी मराठी आहे.सुबोध भावे सजीनीच्या वडिलांच्या सूर्यकांत शिंदेच्या भूमिकेत आहेत .तर इन्स्पेक्टर राम चिन्मय मांडलेकर आहे. राधिका मदन सजीनीच्या भूमिकेत तर इन्स्पेक्टर बेला बरोटच्या भूमिकेत आहे.
No comments:
Post a Comment