डोन्ट ब्रिथ

डोन्ट ब्रिथ 

Don't breath

रॉकी ,अलेक्स,मनी तिघे भुरटे चोर. रिकामी घरे फोडून त्यातील किमती ऐवज लुटायचा हे त्यांचे काम .अलेक्स ही तरुणी आहे आणि तिला लहान मुलगी आहे. रॉकीचे वडील सिक्युरिटीमध्ये आहेत त्यामुळे त्याला घराचे लॉक कोड सहज मिळतात.

एका घरात खूप रोख रक्कम आहे अशी माहिती त्यांना मिळते. त्या घराच्या आजूबाजूची घरे ही रिकामी असतात.एका नॉर्मन नावाच्या  माजी सैनिकाचे ते घर असते .नॉर्मनने इराक युद्धात आपले डोळे गमावलेले असतात .आता तो आपल्या कुत्र्यासोबत राहत असतो .

तिघेही त्याच्या घरात लॉक तोडून शिरतात .पण नॉर्मन सावध असतो .त्याला बाजूच्या व्यक्तीचा श्वासही जाणवतो.तो अतिशय क्रूर आहे.आपल्या घरात सहजपणे काठी न घेता हालचाली करतो.तो त्यांना चोरी यशस्वीपणे करून देईल का ??

एक अंध सैनिक त्या घरात तीन चोरांशी कसा सामना करतो हे नक्कीच पाहण्यासारखे आहे.

संपूर्ण चित्रपट एका घरात चित्रित झालाय .मोजून चार पात्रे आणि कुत्रा यात आहेत.अंगावर काटा आणणारा पुढे काय होईल ही उत्सुकता ताणून धरणारा हा चित्रपट हिंदी भाषेत नेटफ्लिक्सवर आहे.