द पॉईंट मेन

द पॉईंट मेन 

अमेरिकेतील ट्वीन टॉवर वर आत्मघाती हल्ला झाला आणि त्यानंतर अमेरिकासह अनेक देशांनी अफगाणिस्तान आपले टार्गेट बनविले.

अमेरिकेत यावर अनेक चित्रपट बनले गेले.अजूनही बनतायत. दक्षिण कोरियाही या लढाईत अमेरिकेसोबत होता.त्यांच्या काही तुकड्या आणि सिक्रेट सर्व्हिस एजंट्स अफगाणिस्तानात होते.

एके दिवशी दक्षिण कोरियातील साधारण 23 पर्यटकांचे तालिबानी अपहरण करतात .त्यांच्या सुटकेच्या बदल्यात दक्षिण कोरियाने आपले सैन्य माघारी घ्यावे आणि तालिबानी कैद्यांची सुटका करावी अश्या दोनच मागण्या मांडते.

आता सुरू होतो वाटाघाटीचा खेळ .दक्षिण कोरिया शांततेच्या मार्गांनी ओलिसांना सोडविण्याचा प्रयत्न करते.त्यासाठी एक शिष्टमंडळ अफगाणिस्तानात दाखल होते. त्या बरोबरच एक सिक्रेट सर्व्हिस एजंट दुसऱ्या बाजूने त्यांच्याशी संपर्क करायचा प्रयत्न करत असतो .अफगाण सरकार तालिबानी कैद्यांना सोडण्यास नकार देते.

ओलिसांच्या सुटकेसाठी अनेक दलाल ,ब्रोकर पुढे येतात .पैश्याचा खेळ सुरू होतो.काही वेळा कोरियन शिष्टमंडळ हतबल होते.

हा अतिशय सुंदर कोरियन चित्रपट आहे.यात फार हाणामारी नाही .पण संपूर्ण चित्रपटात भीतीचे वातावरण आहे.अचानक भर बाजारात होणारा आत्मघाती हल्ला .अफगाणिस्तानातील रुक्ष ,ओसाड वातावरण  आपल्या अंगावर काटा आणतो.कोरियन सरकारची हतबलता ,शिष्टमंडळाच्या वाटाघाटी आपल्याला खिळवून ठेवते .

शेवटी शिष्टमंडळ वाटाघाटीत यशस्वी होते का ?? ओलीस सुखरूप परत येतील का ??

अमेझॉन प्राईमवर हा चित्रपट हिंदी भाषेत आहे.