मिसिंग

मिसिंग

जून आता  अठरा वर्षाची झालीय.ती आणि तिची आई ग्रेस दोघेच राहतात..सहा वर्षाची असताना वडील ब्रेन ट्युमरने गेले.त्यांचा शेवटचा व्हिडिओ हीच तिच्याकडे असलेली वडिलांची एकमेव आठवण.

ग्रेसला आता सोशल मीडियावरून केविन नावाचा मित्र मिळालाय.ती त्याच्यासोबत कोलंबियाच्या सहलीचा प्लॅन करतेय.सोमवारी ते परत येणार आहेत त्यांनी जूनला एअरपोर्टवर बोलाविले होते.

सोमवारी जून त्यांना आणायला एअरपोर्टला गेली पण ते दोघेही आलेच नाही . तिने कोलंबियाला त्यांच्या हॉटेलमध्ये चौकशी केली तेव्हा ते सामान सोडून गेलेत असे सांगण्यात आले.

अमेरिकेत राहून  केवळ इंटरनेट आणि सोशल मीडियाच्या मदतीने जून आपल्या आईचा कसा शोध घेत त्यातून कोणती रहस्ये बाहेर येतात हे बघण्यासारखे आहे.

इंटरनेट आणि सोशल मीडियाने आपल्या जीवनात किती खोलवर प्रवेश केलाय त्याची कल्पना आपल्याला हा चित्रपट पाहताना येते.स्पॅनिश भाषा येत नसताना जून केवळ इंटरनेटच्या मदतीने हॉटेल कर्मचाऱ्याशी स्पॅनिशमध्ये बोलते.केविन आणि ग्रेसचे पासवर्ड शोधून काढते. तासाला आठ डॉलर घेणारा एक खाजगी गुप्तहेर शोधून त्याला कोलंबियात मार्गदर्शन करते .

इंटरनेट सोशल मीडिया किती फायद्याचे आणि किती तोट्याचे आहे हे चित्रपट पाहून लक्षात येते.

चित्रपट नेटफिक्सवर हिंदी भाषेत आहे.