फ्रेक्स
FREAKS
वेंडी एका छोट्या रेस्टोरंटमध्ये काम करते. लहानपणापासून ती थोडी अबनॉर्मल आहे म्हणून एका डॉक्टरने तिला दररोज गोळ्या घ्यायला सांगितल्या होत्या.ती अजूनही त्या गोळ्या घेतेय.ती नवरा आणि दहा वर्षाच्या मुलांसोबत छान आयुष्य जगतेय.
अचानक एके दिवशी तो भिकारी तिला रेस्टोरंट बाहेर भेटतो.तिच्याकडे कचऱ्यातील चिकन मागतो आणि तू आमच्यामधलीच आहे असे सांगतो.तिला काही कळत नाही.पुन्हा दुसऱ्या रात्री तो तिला भेटतो आणि डॉक्टरांनी दिलेल्या गोळ्या खाऊ नकोस असे सांगतो.
ती त्याचे ऐकून काही दिवस गोळ्या घेत नाही आणि तिला तिच्यातील सुपरपॉवरची जाणीव होते.तिने मारलेल्या किकवर फुटबॉल दिसेनासा होतो.तर पबमध्ये ती काही गुंडांना भरपूर चोप देते.
रेस्टोरंटमधील तिचा सहकारी एलमरही त्याच गोळ्या घेतोय .ती त्यालाही गोळ्या न घेण्याचा सल्ला देते आणि त्यांच्यातील सुपरपॉवर जागविते.त्याच्यात विजेची शक्ती असते.
ते आपल्या अंगात आलेल्या सुपरपॉवरमुळे खुश होतात .आणि अजून काही अश्या व्यक्ती आहेत का याचा शोध घेण्याचा प्रयत्न करतात .त्यात काही सुरक्षा रक्षकांचा जीव जातो.
वेंडी हा प्रकार पाहून हादरते. ती एलमरला हे सगळे थांबवायला सांगते.पण एलमरला आपल्या सुपरपॉवरचा गर्व झालेला असतो.त्याला सुपरपॉवर आपल्या फायद्यासाठी वापरायची असते.तो वेंडीला आपले करू पाहतो त्यासाठी तो तिच्या नवऱ्यावर हल्ला करतो ,मुलासही वेठीस धरतो .
डॉक्टर पोलिसांच्या मदतीने वेंडीला हॉस्पिटलमध्ये ऍडमिट करते. पण एलमर तिथेही हल्ला करतो .वेंडी आपल्या कुटुंबाला वाचवेल का ??
सुपरपॉवर असणाऱ्या व्यक्तींना शोधून त्यांना कंट्रोल केले नाही तर त्याचे भयानक परिणाम होऊ शकतात हेच या चित्रपटातून आपल्याला दाखविले आहे.
मूळ जर्मन भाषेतील हा चित्रपट इंग्लिश भाषेत नेटफ्लिक्सवर आहे
No comments:
Post a Comment