कंदहार

कंदहार

KANDAHAR

 इराणच्या न्यूक्लिअर प्लांटमध्ये टॉम हॅरिस इंटरनेट टेक्निशियन म्हणून घुसतो आणि त्याची सर्व माहिती अमेरिकेला देतो. टॉम एक अंडरकव्हर एजंट आहे आणि सध्या तो CIA साठी काम करतोय.अमेरिका न्यूक्लिअर प्लांट उध्वस्त करते. पण कोणाकडून तरी ती बातमी लिक होते आणि टॉमचे नाव जगभर पसरते.इराणी सैन्य त्याच्या पाठी लागते.त्याचा साथीदार मारला जातो .एजन्सी कसेही करून कंदहारला पोचण्याची ऑर्डर देते.

आता टॉमला कसेही करून कंदहारला पोचायचे आहे.त्याच्यासोबत एक दुभाषी आहे.ज्याला आपल्या कुटुंबाला भेटायचे आहे.पण दोघांच्यामध्ये आहेत इराणी सैन्य ,गुप्तचर ,आणि सर्वात मोठा धोका म्हणजे तालिबान .

टॉम या सर्वांवर मात करून आपल्या दुभाष्यासोबत कंदहारला पोचेल का ??

संपूर्ण चित्रपटात आपण टॉमसोबत असतो.त्याच्याबरोबर धावतो.गोळीबार करतो.तो ठरलेल्या ठिकाणी सुखरूप पोचू दे अशी प्रार्थना करतो.युद्ध हे शेवटी आपल्याच माणसांसाठी लढले जाते याची प्रचिती चित्रपट पाहताना येते.

अफगाणिस्तान ,इराणच्या ओसाड रुक्ष प्रदेशात चित्रीकरण केलेला हा चित्रपट नक्की पाहायला हवा.

गेरार्ड बटलर टॉम हॅरिसच्या प्रमुख भूमिकेत आहे .तर अली फझल या भारतीय अभिनेत्याने त्याला चांगली साथ दिली आहे .

चित्रपट प्राईम व्हिडिओवर आहे.