ब्लॅक साईट
BLACK SITE
इस्ताबूलमधील हॉस्पिटलवर एक बॉम्बहल्ला होतो आणि त्यात ऍबीचा डॉक्टर नवरा आणि छोटी मुलगी मारली जाते. ऍबी सीआयएची एनालिस्ट म्हणून काम करतेय. ती या प्रकरणाचा शोध घेण्याचा प्रयत्न करते.आता तिची बदली सीआयएच्या जॉर्डन येथे असलेल्या सिटाडेलमध्ये झालीय.
सिटाडेल अमेरिकेची ब्लॅक साईट म्हणून ओळखली जाते. ती जॉर्डनच्या वाळवंटात गुप्त ठिकाणी आहे. जगभरातील खतरनाक अतिरेकी तिथे चौकशीसाठी आणले जातात.फरहान हा अतिरेकीही तिथेच आहे.इस्ताबूल हॉस्पिटल बॉम्बस्फोटाची फरहानला नक्की काहीतरी माहिती आहे असा ऍबीला संशय आहे.
हॅचेट हा एक मोठा राजकीय कैदी सीटाडेलमध्ये चौकशीसाठी आणला जातो. इस्ताबूलमधील बॉम्बस्फोटाचा हाच प्रमुख सूत्रधार आहे याची ऍबीला खात्री आहे आणि तो फरहानसाठी इथे आलाय हे कळून चुकते.
चौकशी दरम्यान काही अधिकाऱ्यांचा खून करून हॅचेट आपली सुटका करून घेतो आणि फरहानच्या शोधात निघतो .ऍबी हुशारीने सीटाडेल लॉक करते. पण तिची कम्युनिकेशन यंत्रणा बंद पडते.एक तास सीटाडेलची कम्युनिकेशन यंत्रणा चालू झाली नाही तर ड्रोनहल्ला होऊन संपूर्ण सीटाडेल नष्ट होणार अशी सिस्टीम सेट केलेली आहे.
आता ऍबीच्या हातात फक्त एक तास आहे . हॅचेट त्याच्या मार्गात येणाऱ्या प्रत्येकाला मारत सुटलाय.तिला हॅचेटलाही संपवायचे आहे आणि ड्रोन हल्ल्यातून सीटाडेलही वाचवायचे आहे.तिला शक्य होईल का ?? इस्ताबूल हॉस्पिटल बॉम्बस्फोटामागे नक्की कोणते षडयंत्र आहे तिला कळेल का ??
एक थरारक वेगवान ऍक्शन चित्रपट अमेझॉन प्राईमवर हिंदी भाषेत आहे.
No comments:
Post a Comment