बांशी

बांशी

BANSHEE

 तो नुकताच पंधरा वर्षाची शिक्षा भोगून तुरुंगातून सुटलाय. बाहेर आल्यावर तो बांशीमध्ये दाखल होतो.

बांशी हे छोटेसे गाव आहे.तिथल्या बारमध्ये बसून तो दारू पिताना अजून दोन व्यक्ती तिथे येतात.चेहऱ्यावरूनच ते गुंड वाटतात .त्याची आणि त्या गुंडांची बाचाबाची होते इतक्यात बारमध्ये अजून एक व्यक्ती प्रवेश करते .ती व्यक्ती दुसऱ्या दिवसापासून शेरीफ म्हणून बांशीमध्ये रुजू होणार असते. त्या व्यक्तीलाही गावात कोणीच ओळखत नसते.

अचानक बाचाबाची वाढत जाऊन हाणामारीपर्यंत येते आणि त्यात त्या दोन्ही व्यक्ती आणि शेरीफ मारला जातो. तो बारमालकाच्या मदतीने तिघांच्या मृत्यूदेहाची विल्हेवाट लावतो .पण त्या आधी शेरीफचा मोबाईल आणि आयकार्ड काढून घेतो .

दुसऱ्या दिवशी तो शेरीफ हूड बनून पोलीस स्टेशनमध्ये रुजू होतो.योगायोगाने त्याच्या पूर्वाआयुष्याची प्रेयसी तिथेच राहतेय. 

आता तोतया शेरीफ हूडला स्वतःचे अस्तिव लपवून शेरीफची भूमिका पार पाडायची आहे.त्यासाठी त्याच्यासमोर खूप आव्हाने येतात.त्याच्या पूर्वाआयुष्यातील व्यक्तीही समोर येतात.त्याने केलेले गुन्हे त्याची पाठ सोडत नाही.

शेवट काय होईल ते ही सिरीज पूर्ण पाहिल्यानंतरच कळेल .

हा सिजन पहिला आहे .याचे एकूण चार सीजन आहेत.

सिरीजमध्ये प्रचंड हाणामारी ,गोळीबार आणि रक्तपात आहे.काही दृश्ये कुटुंबासोबत पाहू शकत नाही .

सिरीज दुसऱ्या सिजनमध्ये काय घडेल याची उत्सुकता ताणून ठेवते.

ही सिरीज जिओसिनेमावर उपलब्ध आहे.