मेडेलीन
MEDELLIN
रेडा एक बॉक्सिंग प्रशिक्षक आणि जिमचा मॅनेजर आहे. खरे तर त्याने बॉक्सिंगची कोणतीही स्पर्धा जिंकली नाही आणि नाही कधी फारशी बॉक्सिंग खेळला.त्याचा भाऊ त्याचा भाऊ ब्राहिम सोशल मीडियावर खूप ऍक्टिव्ह आहे आणि तो स्वतःला कुप्रसिद्ध डॉन पाब्लो समजत असतो .
एके दिवशी ब्राहिमचे अपहरण होते ते अपहरण पब्लोने केले असे रेडाला वाटते आणि तो काहीही करून ब्राहिमला सोडविण्याचे ठरवितो.त्यासाठी तो आपल्या दोन मित्राची मदत घेतो.
स्टॅन आणि चॅफिक्स हे दोन मित्र रेडाच्या मदतीला येतात.चॅफिक्स हा बुटका चार फूट उंचीचा आहे.आता त्या तिघांनाही हाणामारीची अजिबात सवय नाही .ते मेडेलीनमध्ये घुसतात .एका बारमध्ये जाऊन एका बार डान्सरच्या मदतीने एल डब्लिओ या कुप्रसिद्ध डॉनच्या मुलाचे अपहरण करतात.
रेडा त्या मुलाचे विडिओ काढून एल डब्लिओला पाठवून आपल्या भावाच्या सुटकेची मागणी करतो .पण थोड्या वेळाने त्याला ब्राहिमचा फोन येतो की त्याचे अपहरण झालेच नाही त्याने हे सर्व प्रसिद्धीसाठी केले आहे.
आता त्या तिघांनाही कळून चुकते की त्यांनी मोठी चूक केली आहे .एल डब्लिओ पूर्ण ताकदीने त्यांच्या मागे लागतो .तो सर्वप्रथम ब्राहिमला ताब्यात घेतो .
पुढे काय ..? ज्यांना हाणामारीची अजिबात सवय नाही .बंदूक कधी हातात धरली नाही असे तीन तरुण मेंडेलीनच्या सर्वात मोठ्या गँगस्टरशी टक्कर घेऊ शकतील का ?? कोण येतील त्यांच्या मदतीला ? रेडा आपल्या भावाला सुखरूप सोडवेल का ?? त्यासाठी मेंडलीन पाहायला हवा.
हा खरोखरच एक ऍक्शन कॉमेडी चित्रपट आहे जो आपल्याला प्रत्येक मिनिटाला तुफान हसवितो.हिंदी भाषेतील संवाद छान लिहिले आहेत. एल डब्लिओच्या गुंडांशी लढताना उडणारी त्यांची तारांबळ बघण्यासारखी आहे.यात तुफान हाणामारी आहे .भरधाव वेगात गाड्यांचा पाठलाग आहे.या सर्वाला ते कसे तोंड देतात पाहण्यासारखे आहे.
अमेझॉन प्राईमवर हा चित्रपट हिंदी भाषेत आहे.
No comments:
Post a Comment