पहिली माळ ....रंग ????
ती नेहमीप्रमाणे लवकर उठून कॉलेजला निघाली होती .पेपरमधील आजचा रंग कोणता ते पाहून ड्रेस निवडला होता . हाफ पॅन्ट आणि टी शर्ट .कानात सेम कलरचे डुल आणि गळ्यात माळ .रस्त्यावरील लोकांच्या नजरा झेलत ती निघाली .सार्वजनिक नवरात्र मंडळात देवीचे दर्शन घेण्यासाठी थांबली .शांतचित्ताने देवीसमोर हातजोडून उभे असताना तिच्या कानावर कंमेंट्स पडल्या .स्वतःशी हसून ती त्या मुलांकडे वळली .कमरेवर हात ठेवून त्यांच्यावर आपली धारधार नजर रोखून म्हणाली "हिम्मत असेल तर समोर येऊन कंमेंट्स करा".काही न बोलता त्या मुलांनी मान खाली घातली आणि मंडपातून निघून गेले .होय ती देवीचं आहे
©श्री.किरण बोरकर
No comments:
Post a Comment