मसाई..... उमेश कदम
राजेंद्र प्रकाशन
मसाई ही केनिया आणि टांझानिया येथे आढळणारी एक जमात. पशुपालन हा त्यांचा प्रमुख व्यवसाय . आपल्याकडील पशूंना ते देवाचा दर्जा देतात.मसाई जमातीची स्वतःची न्यायव्यवस्था असते . ब्रिटिशांनी येथील जमिनी ताब्यात घेऊन त्यांना गुलाम बनविले .
जेरॉल्ड निकोल्सन आपली सैन्यातील नोकरी सोडून प्रशासकीय अधिकारी म्हणून केनियात गेला . त्याने हर प्रकारे प्रयत्न करून मसाई आणि इतर जमातीवर आपले वर्चस्व प्रस्थापित केले . दुसऱ्या महायुद्धात सैनिकांना अन्न मिळावे म्हणून मसाईचे पशुधन वापरले . त्यात त्याची हत्या झाली . पण त्याची पत्नी जेनिफर हिने मसाईसाठी आणि आफ्रिकेतील इतर जमातींसाठी खूप सामाजिक कार्य केले . स्त्री शिक्षण, स्वच्छता ,बाल मृत्यू याकडे विशेष लक्ष दिले .
भारत स्वतंत्र झाल्यावर पंडित नेहरूनी आप्पासाहेब पंत यांची पूर्व आफ्रिकेत राजदूत म्हणून नेमणूक केली आणि तेथील स्वातंत्र्यलढ्याला पाठिंबा द्यायला सांगितले . जेनीनेही स्वतंत्रलढ्यात भाग घेतला . ती या चळवळीची प्रमुख नेता होती . केनियाचा स्वातंत्र्यलढा ,भारताचा पाठिंबा आणि जेनिफर निकोल्सन हीचा प्रमुख सहभाग याची सुंदर माहिती या पुस्तकात आहे .
No comments:
Post a Comment