चेटकीण... नारायण धारप

चेटकीण.... नारायण धारप 

दांडेकरांची वाडी तशी श्रीवर्धनपासून एका बाजूला वस्तीपासून दूरच होती .भरतीच्या वेळी पाणी वाडीत शिरल्यानंतर तिचा सगळ्यांपासून संपर्क तुटायचा .

वाडीत दोन घरे .एका घरात आजी आणि तिच्या सोबतीला पूर्वीपासून असलेली रखमा. तर दुसरे घर बंद...ओसाड. त्या घराकडे  कोणीही बघायचेही नाही असा आजीचा हुकूम . वर्षानुवर्षे त्या घरात कोणीच गेले नव्हते.

 पण आजी वारल्यावर तिची नात सोनाली अमेरिकेवरून कार्यासाठी वाडीत आली . तिला पहिल्यापासूनच ते पडके घर खुणावू लागले.आई.. बाबा ..रखमा...मामा.. सगळेच त्या घराकडे पहायचेही नाहीत .विषय काढला तर गप्प बसायचे.

त्यादिवशी ती त्या घराकडे गेली . खिडकीच्या काचेतून तिने आतील भागाचे फोटो काढले . काही फोटो लांबून घेतले . फोटो घेताना तिला जाणवले कोणीतरी या घरात वावरतेय . अचानक आतील एक दरवाजा हळू हळू उघडताना दिसला . तेव्हा ती तिथून पळत सुटली. भूत प्रेत मंत्र तंत्र या गोष्टीवर तिचा विश्वास नव्हताच . पण तरीही या घरात काहीतरी आहे हे तिला जाणवले.

 तिने कॅमेरातील रोल डेव्हलप करायला श्रीवर्धनला दिला आणि फोटो पाहतच ती हादरली . घराच्या छपरावर कोणीतरी माकडासारखे होते . ते तिला प्रत्यक्षात दिसले नाही याची  खात्री होती पण फोटोत स्पष्ट दिसत होते . दुसऱ्या फोटोत तर ती छोटी मुलगी तिच्याकडे रोखून पाहताना स्पष्ट दिसत होती.

कोण आहे ती मुलगी ..?? काय करतेय त्या बंद ओसाड घरात ..  आजीच्या पोथीतून तिला सर्व माहिती मिळाली . आजीने तिलाच त्या घरापासून कुटुंबाचे रक्षण करण्यासाठी वारस नेमले होते.आता तिलाच त्या घरापासून सर्वांचे रक्षण करायचे होते . त्या पडक्या घरातील दुष्ट शक्ती एक ना एक दिवस बाहेर येणार याची तिला खात्री होती.