नोबडी

नोबडी

NOBODY

तो एका छोट्या कारखान्यात ऑडिटर आहे.घरी पत्नी ,वयात आलेला तरुण मुलगा आणि छोटी मुलगी असे चौकोनी साधे कुटुंब. त्याचे आयुष्यही रुटीनप्रमाणे चालू आहे.सकाळी जॉगिंग,मग थोडा व्यायाम ,नाश्ता ठराविक बस पकडून कामावर जाणे.रोज कचऱ्याची गाडी चुकणे हे रुटीन चालूच आहे.त्याचे वडील रिटायर्ड आर्मी ऑफिसर आहेत.

सगळे कसे छान चालू असताना एका रात्री दोन व्यक्ती त्याच्या घरात बंदूक घेऊन घुसतात.त्यातील एक स्त्री असते .तो घाबरून एका भांड्यात ठेवलेले पैसे मुकाटपणे त्यांना देतो.त्या स्त्रीच्या मनगटावरचा टॅटू पाहून घेतो.त्याचा मुलगा ,शेजारी ,ऑफिसचा सहकारी चोरांना विरोध केला नाही म्हणून त्याला दोष देतात.

पण अचानक त्याची छोटी मुलगी हातातील ब्रेसलेट चोरांनी नेले म्हणून रडते .तेव्हा हा चिडतो आणि टॅटू असलेल्या स्त्रीचा शोध घेतो.तो दोन्हीही हल्लेखोरांना शोधतो पण त्यांना न मारता सोडून देतो .परत बसमधून येताना काही गुंड बसमधील तरुणीला त्रास देतात तेव्हा हा सगळा संताप त्यांच्यावर काढतो .

पण त्या गुंडामधील एकजण तेथील सर्वात मोठ्या रशियन माफियाचा भाऊ असतो .तो माफिया आता त्याच्या मागे लागतो .

तो यातून मार्ग कसा काढेल ?? आपल्या कुटुंबाला तो रशियन माफियापासून वाचवेल का ?? तो कोण आहे ?? त्याची माहिती मिळताच माफियाची सेक्रेटरी आपला जॉब सोडून पळून का जाते ?? 

एक थ्रिलर चित्रपट जो पूर्ण पाहिल्याशिवाय आपण उठू शकत नाही.

चित्रपट अमेझॉन प्राईम आणि नेटफ्लिक्सवर आहे.