द मॅग्निफिसंट सेवन 1960

The Magnificent Seven  1960

द मॅग्निफिसंट सेवन   1960

ते मेक्सिको तील एक छोटे गरीब खेडे होते. गावातील बहुतेक लोक शेतकरी होते.त्यांना साधी बंदूकही चालवता येत नव्हती.कॅल्व्हरा हा दरोडेखोर होता.तो आपल्या टोळीला घेऊन त्या गावात यायचा आणि जबरदस्तीने त्यांच्याकडून अन्नधान्य मांस घेऊन जायचा.

कॅल्व्हराच्या त्रासाला कंटाळून गावकऱ्यांनी रक्षणासाठी बाहेरुन काही धाडसी गनफायटर  बोलविण्याचा निर्णय घेतला.त्यासाठी पैसे ही गोळा केले.

तीन गावकरी योग्य माणसे शोधायला शहरात आली .तिथे त्यांना क्रिस भेटला. पण क्रिसला हे एकट्याचे काम नाही याची जाणीव होती म्हणून त्याने अधिक  माणसांचा शोध चालू केला. योग्य ती पारख करून त्याने सहाजणाना आपल्यासोबत घेतले आणि सर्व त्या छोट्या खेड्याकडे निघाले.

त्या पन्नासजणांच्या  टोळीशी ही सात माणसे लढा देतील का ?

अकिरा कुरोसावाच्या सेवन सामुराई या सुप्रसिद्ध चित्रपटावर आधारीत हा चित्रपट आहे.

यात तुफान घोडेस्वारी आणि बंदुकीची गोळाबारी आहे.

अतिशय गाजलेला हा चित्रपट प्राईम व्हिडिओवर आहे.

ज्यांना जुने वेस्टर्न चित्रपट आवडत असतील त्यांनी चुकवू नये.