लिओ

Leo

लिओ

पार्थिबन हिमाचल प्रदेशातील ठियोग गावात आपल्या कुटुंबासोबत सुखाने राहतोय. त्याची पत्नी सत्या,सिद्धार्थ नावाचा मुलगा आणि चिंटू नावाची छोटी मुलगी आहे. त्याचे एक छोटे कॉफीशॉप आहे.

 पार्थिबन  प्राण्यांना पकडण्यात एक्सपर्ट आहे.नुकतेच त्याने  गावात फिरणाऱ्या हिंस्त्र तरसाला पकडण्यात मदत केलीय.

शहरात एका कलेक्टरची हत्या होते आणि खुनी पार्थिबनच्या कॅफेत शिरतात.आपल्या मुलीला वाचविण्याच्या प्रयत्नात तो त्यांना ठार मारतो. कोर्ट त्याला निरपराध ठरवते.पण त्याचे फोटो सगळीकडे प्रसिद्ध होतात.

अंटोनी दास आणि हॅरोल्ड दास दोघे भाऊ.त्यांची तेलंगणाला मोठी सिगारेट फॅक्टरी आहे. त्यांच्याकडेही पार्थिबनचा फोटो पोचतो आणि ते आपली माणसे घेऊन पार्थिबनला शोधायला निघतो.

इकडे त्या कलेक्टरच्या खुन्याचे नातेवाईक पार्थिबन आणि त्याच्या परिवाराला मारायला शहरात येतात.

अंटोनी दासच्या मते पार्थिबन हा त्याचा मुलगा लिओ दास आहे जो वीस वर्षांपूर्वी मारला गेला होता.आता तो त्याला परत घेऊन जायला आला आहे.पण पार्थिबन कोणत्याही अंटोनी किंवा लिओ दासला ओळखत नाहीय.

पण पार्थिबन नक्की लिओ आहे का ?? आपल्या कुटुंबाला वाचविण्यासाठी तो काय करेल ? 

थलपती विजय,संजय दत्त, त्रिशा, अर्जुन सारख्या मोठ्या स्टारनी भरलेला लिओ आपली चांगली करमणूक करतो.

चित्रपट नेटफ्लिक्सवर हिंदी भाषेत आहे.