WANTED
वॉन्टेड
लोला एका मॉलमध्ये काम करते.तिला डेव्हिड नावाचा तरुण मुलगा आहे.ती मुळातच आक्रमक स्वभावाची आणि धाडसी आहे.
चेल्सी एक तरुण अकाउंटंट .ती स्वभावाने भित्री पण टापटीप राहणारी. ऑडिटमध्ये तिने केलेल्या हिशोबात चुका सापडल्या त्यामुळे ती टेन्शनमध्ये आहे.
त्या दिवशी रात्री दोघीही एकाच स्टॉपवर बसची वाट पाहत उभ्या होत्या. दोघीही एकमेकांना अजिबात ओळखत नव्हत्या.नुकतीच नोकरी गेल्यामुळे लोला टेन्शनमध्ये होती.
अचानक एक कार त्यांच्या अंगावर आली .त्यातील ड्रायव्हर जखमी होता .त्याला मदत करायला दोघीही पुढे सरसावल्या. इतक्यात तिथे दुसऱ्या गाडीतून दोन बुरखेधारी उतरले त्यातील एकाने ड्रायव्हरला गोळ्या घातल्या.
लोलाने त्यांच्यावर आक्रमण केले. त्या झटापटीत एक मारला गेला तेव्हा दुसर्याने बंदुकीच्या धाकावर दोघींना कारच्या डिकीत बंद केले.
आता दोन अनोळखी स्त्रियांचा कारच्या डिकीतून प्रवास चालू आहे . एका भंगार कार डेपोत गाडी थांबली आणि दोघींनी अपहरणकर्त्यावर हल्ला करून आपली सुटका करून घेतली आणि कार घेऊन पोबारा केला.कारची तपासणी केली तेव्हा त्यात बॅग भरून पैसे आणि ड्रग आढळून आले.
आता त्यांच्यामागे भ्रष्ट पोलीस, माफिया गुंड,आणि पोलीस लागले आहेत.
पोलिसांना त्या दोघी खुनाच्या आरोपाखाली हव्यात तर भ्रष्ट पोलीस आणि माफिया गुंडांना ड्रग आणि पैसे हवेत .
दरवेळी लोला आणि चेल्सी या सर्वांना चकमा देऊन पुढे जातायत .पण कुठपर्यंत पळतील ?? याचा शेवट व्हायलाच हवा ? त्यात दोघीही एकमेकांना पूर्णपणे अनोळखी स्वभाव भिन्न .त्या एकत्र राहतील ?
क्षणाक्षणाला पुढे काय होईल याची उत्कंठा वाढवणारी ही ऑस्ट्रेलियन सिरीज नेटफ्लिक्सवर इंग्रजी भाषेत आहे.
No comments:
Post a Comment