चूना

चूना

Choona

शुक्ला एक बिल्डर आणि माफियाही.शहरात त्याची दहशत आहे.  पण त्याचा ज्योतिषी आणि ग्रहताऱ्यांवर खूप विश्वास .जे काही काम करेल ते ज्योतिष्याच्या सल्ल्यानुसार . आता त्याला राजकारणात शिरून सत्ता हाती घ्यायची आहे.त्यासाठी त्याने आमदार विकत घ्यायची तयारी ही ठेवली आहे.यासाठी त्याने शेनॉय नावाच्या बिझनेसमन ला हाताशी धरलेय.

अन्सारी आणि बांके दोघेही जिगरी दोस्त.अन्सारीच्या मामाला शुक्लाने ठार मारले होते.तेव्हापासून अन्सारी शुक्लाचा राग करतोय.त्यालाही राजकारणात जायचे आहे आणि म्हणून तो शुक्लाला प्रत्येक ठिकाणी विरोध करतोय.बांके पोलीस अधिकारी आहे. शुक्लामुळे तो निलंबित झालाय.

बिष्णू शुक्लाचा मेव्हणा .पण शुक्लाने त्याच्या बहिणीवर अन्याय केलाय . आता बिष्णू शुक्लाचा नोकर बनून राहिलाय.

जे पी एक मोठा कॉन्ट्रॅक्टर . एका मोठ्या कामाची वाट शुक्लाने लावल्यामुळे तो कर्जबाजारी आणि दारुडा झालाय.त्याचाही शुक्लावर राग आहे.

त्रिलोकी चोर आहे.वेगवेगळे रूप घेऊन खबरी काढणे चोऱ्या करणे हे त्याचे काम.शुक्लाकडे पैसे येणार आहेत आणि तो कुठे ठेवणार याची खबर त्यानेच दिलीय.पैशासाठी तो यात सामील झालाय.

झुंपा त्रिलोकीची मैत्रीण.कॉम्प्युटर एक्सपर्ट .आपल्या प्रियकरासाठी यात सामील झालीय.

पंडित उपाध्याय शुक्लाचा ज्योतिषी .मनासारखा सल्ला दिला नाही म्हणून शुक्लाने त्याला ठार मारायचे ठरविले पण तो वाचला.तोही बदला घेण्यासाठी यात आलाय.

या सर्वांना  शुक्लचा बदला घ्यायचा आहे .शुक्लाने आमदार खरेदी करण्यासाठी सहाशे कोटी गोळा केलेत .ते त्यांना लुटायचे आहेत.

हे सर्व मूर्ख ,अतिउत्साही आणि साधेभोळेही आहेत.पण तरीही ते जीवावर उदार होऊन हा धोका पत्करायला तयार झालेत.

ते सहाशे कोटी त्या अभेद्य बंगल्यातून आणि कडेकोट पाहऱ्यातून कसे लुटतील ??

ते सहाशे कोटी लुटून शुक्लाला चूना लावतील.

एक विनोदी ,थ्रिलर सिरीज नेटफ्लिक्सवर आहे.

जिमी शेरगिल शुक्लाच्या भूमिकेत आहे.