आय फॉर एन आय

Eye For An Eye ( 1996 )

आय फॉर एन आय 

कॅरेन आणि मॅक एक सुखी जीवन जगतायत. कॅरेनला पहिल्या लग्नातून एक  सतरा वर्षाची ज्यूली नावाची मुलगी  आहे आणि मॅक पासून दुसरी मुलगी झालीय.  मेगन सात वर्षाची आहे.

आज मेगनचा सातवा वाढदिवस आहे .मॅक आणि कॅरेन दोघेही कामावर गेलेत.तर मेगन शेजारी खेळायला गेलीय.ज्यूली एकटीच घरात असताना कोणीतरी एक घरात घुसून तिच्यावर बलात्कार करतो आणि तिला ठार मारतो.

पोलिसांना खूप प्रयत्न करून काही पुरावे सापडतात आणि ते एका डिलिव्हरी बॉयला अटक करतात. मध्यंतरी कॅरेन या धक्क्यातून सावरण्यासाठी एक सपोर्ट ग्रुप जॉईन करते. ज्यांच्यावर अशी दुःखद परिस्थिती ओढवली आहे अशी माणसे त्या ग्रुपमध्ये येऊन आपले दुःख हलके करतात. अर्थात त्या ग्रुपमध्ये बदला घेणारीही माणसे आहेत आणि गुप्तहेर पोलीस अधिकारीही आहेत.

पोलीस रॉबर्ट डूबला कोर्टात आरोपी म्हणून हजर करतात. पण पुरेश्या पुराव्याअभावी आणि कायद्यातील पळवाटा वापरून  तो सुटतो.कॅरेनला हे पाहून धक्का बसतो.ती स्वतः त्याला शिक्षा देण्याचे ठरविते.

करेन कायदा हाती घेऊन त्याला शिक्षा देईल का ??

ती तर एक साधी गृहिणी आहे .

कायद्यातील पळवाटा वापरून खरा गुन्हेगार कसा सुटतो आणि पुन्हा गुन्हा करायला मोकळा होतो आणि ज्यांच्यावर अन्याय झालाय त्यांचे काय हाल होतात हे कॅरेनला पाहून समजते.

नेटफ्लिक्सवर हा चित्रपट हिंदी भाषेत आहे.