पिपा

पिपा 

PIPPA

1971 साली रशियाने भारताला पाण्यावरून चालणारे रणगाडे दिले.कॅप्टन बलरामसिंह मेहता हा रणगाड्यांचे नेतृत्व करण्यात कुशल होता.चाचणी दरम्यान त्याने वरिष्ठांची ऑर्डर मोडून रणगाडा खोल पाण्यात नेला.परिणामतः त्याची चौकशी होऊन दिल्ली मुख्यालयात पेपरवर्क करण्यासाठी  बदली झाली.

बलरामसिहंचा मोठा भाऊ राम ही सैन्यात आहे तर बहीण राधा गुप्तलिपी तज्ञ आहे.

 पूर्व पाकिस्तानात मुक्तवाहिनी सेना आपला देश स्वतंत्र करण्यासाठी लढतेय. पाकिस्तान सतत पूर्व पाकिस्तानवर दबाव ठेवून आहे . राम मेहता  एका गुप्त मोहिमेसाठी पूर्व पाकिस्तानात गेलाय आणि मुक्तवाहिनी सेनेला प्रशिक्षण देतोय.

अचानक पाकिस्तानने पूर्व पाकिस्तानवर हल्ला केला. रशियन रणगाडयात काही बदल करायचे होते आणि त्यासाठी बलरामसिंह मेहताचे नाव पुढे आले.

बलरामसिंहने दिवसरात्र मेहनत करून त्यात अपेक्षित बदल केले.त्यामुळे त्याला पुन्हा फिल्डवर जाण्याची परवानगी मिळाली.

तिथे राम मेहता अचानक गायब झालाय.तो पूर्व पाकिस्तानात पकडला गेलाय अशी बातमी राधाला मिळते.

बलरामसिंह नवीन पिपा रणगाडे वापरून पाकिस्तानी सैन्याला धूळ चारेल का ? तो आपल्या भावाला शोधून काढेल का ?

1971 साली बांगलादेशच्या निर्मितीतील एक सत्य युद्धकथा . भारतीय सैन्याने पाकिस्तानला पराजित करून बांगलादेश निर्माण केला .त्यातील ही एक कहाणी .

चित्रपट प्राईम व्हिडिओवर आहे .