THE UNHOLY ( 2021 )
द अनहोली
ते 1845 साल होते.बॅनफिल्ड येथे मेरी एलनॉरला काळ्या जादूटोण्याच्या आरोपाखाली पकडण्यात आले आणि एका झाडाला टांगून जिवंत जाळले गेले.तिची राख एका बाहुलीत ठेवून ती साखळीत घट्ट बांधण्यात आली आणि त्याच झाडाखाली पुरली होती.
आता वर्तमानकाळात ते झाड अजूनही आहे. गेरी फेन हा पत्रकार .खोट्या बातम्या देण्याच्या अपकीर्तीमुळे त्याला कोणीही उभे करत नाही.तो छोटीमोठी कामे करतो.अश्याच एका छोट्या कामासाठी तो बोस्टनला जातो आणि त्या झाडाखाली ती बाहुली मिळते.तो त्या बाहुलीचा चुराडा करतो आणि मेरीचा आत्मा मोकळा होतो.
एलिस एक मूकबधिर तरुणी .तीच्या शरीरात तो आत्मा शिरतो आणि मेरी बोलायला लागते.ती एका अपंग मुलाला चालायला लावते तर एका फादरचा असाध्य आजार बरा करते. चर्च आणि सारेजण तिला संत म्हणू लागतात. पण खरेच ती संत आहे का ?
चर्चमधील एक फादर या रहस्याचा शोध घेण्याचा प्रयत्न करतो पण काही दिवसांनी तो लटकलेल्या अवस्थेत चर्चमध्ये सापडतो. गेरीवरही एक अमानवी व्यक्ती हल्ला करते.
एका मोठ्या समारंभात बिशप एलिसचा सत्कार करणार आहेत आणि एलिस सर्वाना त्यांचे आत्मे मेरीला समर्पित करण्याचे आवाहन करणार आहे . या सर्वांचे जीव धोक्यात आहेत.गेरी हे टाळू शकेल का ?
No comments:
Post a Comment