द सिक्स सेन्स

The Sixth Sense 1999

द सिक्स सेन्स

कोल सीयर नऊ वर्षाचा होता.सतत अस्वस्थ राहणारा, भीतीचा पगडा असलेला . त्याच्या आईलाही काळजी असायची. काही विचित्र घटना तिच्या घरात घडायच्या.

माल्कम क्रो मानसोपचार तज्ञ आहे. तो कोलची केस हँडल करतोय. काही महिन्यांपूर्वी त्याच्यावर खुनी हल्ला झाला होता.आता तो पुन्हा काम करू लागलाय.

सुरवातीला कोल बरोबर बोलणे थोडे अडचणीचे आहे .कोल मध्येच विचित्र वागतोय. काही दिवस कोल सोबत घालवल्यावर  एके दिवशी कोलने त्याला सांगितले की त्याला मृत व्यक्ती दिसतात .पण त्यांना माहीत नाही ते मृत झालेत.ते ज्या अवस्थेत मृत झाले त्याच अवस्थेत त्याला दिसतात.ते सतत त्याच्या भोवती असतात .

माल्कम प्रथम विश्वास ठेवत नाही पण तो त्याच्यासोबत एका मृत मुलीच्या घरी जातो आणि कोल तिच्या मृत्यूचे रहस्य उघडे करतो .

आता कोलला यातून बाहेर काढायची जबाबदारी माल्कमवर आहे .त्याचे स्वतःचेही काही प्रॉब्लेम आहे.तो कोलला बरे करेल का ?  याचा शेवट काय होईल ??

एका अनपेक्षित धक्कादायक शेवटासाठी तयार राहा .

भारतीय वंशाचा दिग्दर्शक एम. नाईट श्यामलनचा अप्रतिम चित्रपट.

चित्रपट हॉटस्टारवर आहे.