बहिर्जी नाईक

बहिर्जी नाईक 

डॉ. राज जाधव 

नावीन्य प्रकाशन 

स्वराज्याचा पहिला गुप्तहेर आणि गुप्तहेर खात्याचा प्रमुख बहिर्जी नाईक आपल्या मुखाने आपली कहाणी सांगतोय. तो त्यांच्या अंगी असलेल्या नाना कला ,सोंग घेण्याची कला कशी शिकला हे सांगतो. ह्यात अनेक लोक बहिर्जी विषयी सांगतात .यात खुद्द महाराज आहेत.त्यांची सहाय्यक सावित्री आहे, जवळचा मित्र जिवाजी आहे तर शेवटी शंभू राजे आहेत.

स्वराज्याच्या स्थापनेत बहिर्जीचे किती मोठे योगदान आहे याची प्रचिती या पुस्तकातून आपल्याला कळते.रोहिडेश्वरावर स्वराज्याची शपथ तर तोरणा घेताना त्यात किती खजिना आहे आहे तो बहिर्जीने कसा शोधला हे वाचनीय आहे.तसेच सुरतेची लूट, पन्हाळ्यावरून  महाराजांची सुटका , आग्र्याहून सुटका ,अश्या मोठ्या मोहिमेत बहिर्जीचे योगदान किती महत्वाचे होते हे कळते.

आग्र्याहून महाराजांची सुटका हे शेवटचे प्रकरण आहे पण शंभू राजांच्या मनोगतात हा फक्त पूर्वार्ध आहे हे कळते.या पुस्तकाचा दुसरा भाग लवकरच येईल अशी खात्री आहे.