पी. आय.मीना

P. I. Meena

पी.आय.मीना

मीनाक्षी अय्यर ही एक प्रायव्हेट इन्वेस्टीगेटर. कंपनीने सांगितलेल्या व्यक्तींचा पाठलाग करणे  त्यांची पूर्ण माहिती काढणे आणि पुरावे आपल्या कस्टमरला देणे हे तिचे काम.

त्या दिवशी नेहमीप्रमाणे ती ऑफिसला निघाली होती.पण अचानक एका ट्रकने त्या स्क्यूटर चालविणाऱ्या तरुणाला उडवले आणि तो तिच्यासमोरच पडला.

माणुसकीच्या नात्याने तिने त्याला हॉस्पिटलमध्ये पोचवले.तिथे त्याची आई हजर झाली.पार्थो त्या तरुणाचे नाव.

पार्थोच्या आईने मीनाक्षीला हा अपघात नसून खून आहे असे सांगितले .मीनाक्षीने त्यात लक्ष दिले नाही .तिने आपले स्टेटमेंट पोलिसांना दिले आणि निघाली. 

दोन दिवसानंतर पार्थोचा मृत्यू झाला .ती तेव्हाही हॉस्पिटलमध्ये जाऊन आईला भेटून आली. नंतर घरी गेल्यावर पार्थोच्या आईने त्याची सगळी माहिती मीनाक्षीला दिली. सहज म्हणून मीनाक्षीने त्याच्या खोलीची झडती घेतली आणि तिला त्यात काही पेपर सापडले.त्याचा फोन सापडला. काही दिवसांनी पार्थोच्या आईने आत्महत्या केली.

मीनाक्षीने आपला वकील मित्र शुबो रॉयला मदतीला घेऊन या प्रकरणाचा शोध घेण्याचा प्रयत्न केला तेव्हा त्यांच्यावरच प्राणघातक हल्ला झाला.वरवर साधे दिसणारे हे प्रकरण पुढे फारच गंभीर होत जाते. 

कोलकत्ता आणि ईशान्य भागात घडणारी ही रहस्यमय मालिका प्राईम विडिओवर आहे.