उलझ

Ulajh

उलझ

भाटीया फॅमिली भारतीय प्रशासकीय सेवेतील मोठे कुटुंब.आज त्यांची तिसरी पिढी सुहाना भाटीया लंडन वकीलातीत उच्चायुत म्हणून रुजू झालीय.सुहाना हुशार आहे तिला आपले काम कसे करून घ्यायचे ते माहीत आहे.

लंडनमध्ये तिची ओळख नकुल शर्माशी होते.त्याचा स्वभाव तिला आवडतो आणि एके रात्री ते एकत्र येतात .

पण दुसऱ्या दिवशी नकुल शर्मा त्या रात्रीची व्हिडिओ क्लीप तिला दाखवतो आणि ब्लॅकमेल करू लागतो.ती वेगवेगळ्या प्रकारे त्याला पकडायचा प्रयत्न करते पण प्रत्येकवेळी त्याला सर्व काही आधीच समजलेले असते.या प्रकरणात काही अधिकारी आणि रॉ एजंट्स मारले जातात.

वकीलातील अजून कोणीतरी नकुल शर्माला मदत करतायत याची सुहानाला खात्री पटते.त्यात नकुल भारतात येतो. आता रॉला ही सुहानाचा संशय येऊ लागलाय. या प्रकरणात सेबीन जोसेफ सुहानासोबत अडकतो.

आता दोघांनाही नकुल शर्माला पुराव्यासकट पकडून आपले निरापराधित्व सिद्ध करायचे आहे .

भारतात येऊन नकुल शर्मा कोणता घातपात करणार आहे .या प्रकरणात काही राजकारणी गुंतले आहेत. आता इथे कोणावरही विश्वास ठेवू शकत नाही.

जान्हवी कपूरने सुहाना भाटीयाची प्रमुख भूमिका केली आहे.तर  गुलशन देवाइह नकुल शर्माच्या चीड आणणाऱ्या खलनायकी भूमिकेत आहे.

चित्रपट नेटफ्लिक्सवर हिंदी भाषेत आहे.