किंग्समन :द गोल्डन सर्कल

Kingsaman : The Golden Circle

किंग्समन :द गोल्डन सर्कल

किंग्समन ही इंग्लडची सिक्रेट सर्व्हिस एंजन्सी. बाहेरून तर ती उच्च दर्जाचे कपडे शिवणारी कंपनी आहे पण आतून ती अत्याधुनिक यंत्रणेने सज्ज आहे.

त्यांचा हॅरी नावाचा एजंट मारला गेलाय असे सर्व समजून चालतात. आता त्याचाच शिष्य एगसी किंग्समनचा प्रमुख एजंट झालाय.

एके दिवशी अज्ञात शत्रू त्यांचे दुकान उध्वस्त करतो त्याचसोबत त्यांच्या मित्रांना आणि एजंटलाही ठार करतो.त्या हल्ल्यात फक्त एगसी आणि मर्लिन वाचतात.मर्लिन हा किंग्समनचा मेंदू आहे.तो कॉम्प्युटर एक्सपर्ट आहे तसेच तो प्रशिक्षकही आहे.

किंग्समन आणीबाणीच्या काळात स्टेट्समनला संपर्क करतात. स्टेस्टमन अमेरिकेतील उच्चप्रतीची व्हिस्की बनविणारी कंपनी आहे आणि तेही सिक्रेट सर्व्हिसमध्ये आहेत. 

स्टेट्समन मर्लिन आणि एगसीला मदत करायला तयार होतात .इतक्यात त्यांच्या एका एजंटच्या चेहऱ्यावर निळ्या खुणा उमटतात.हा एक प्रकारचा आजार आहे जो मादक द्रव्यातून दिला गेलाय. हा आजार झालेले फक्त तीन आठवडे जगणार आहेत.अमेरिकेत मादक पदार्थ सेवन करणाऱ्यांची संख्या लाखोंने आहे.त्या सगळ्यांना या आजाराने ग्रासले आहे.हा आजार पॅप्पी नावाच्या स्त्रीने पसरविला आहे .ती ड्रग पुरवणारी सर्वात मोठी माफिया आहे.तिने ड्रग अधिकृत करावे अशी अमेरिकेच्या राष्ट्राध्यक्षाकडे मागणी केलीय.

आता हे सर्व थांबविण्याची जबाबदारी किंग्समनवर आलीय..एगसी आणि मर्लिन पॉप्पी कडून अँटीडोट मिळवतील का ?? त्या अँटीडोटमुळे लाखो आजारी लोकांना नवीन जीवन मिळणार आहे.

बॉण्डपटापेक्षाही अत्याधुनिक उपकरणे ,वेगवान सुसाट पाठलाग ,अप्रतिम फाईट चित्रीकरण या चित्रपटात पाहायला मिळेल.