रायन

Raayan

रायन 

कथावरायन चार  भावंडात सर्वात मोठा.त्याच्या मागे मुथु आणि माणिकम हे भाऊ आणि दुर्गा ही सगळ्यात छोटी बहीण.लहानपणीच त्यांचे आईवडील दुर्गाला जन्म देऊन कुठे गायब झाले. पुजारी तान्ह्या दुर्गाला घेऊन जात होता पण रायनने त्याला ठार केले आणि सर्व भावंडाना घेऊन चेन्नईत आला .त्यानेच कष्ट करून सर्वाना मोठे केले आता त्याची मार्केटमध्ये फास्ट फूडची गाडी आहे.तो स्वतः खूप कमी बोलतो आणि सतत गंभीर असतो पण भावंडांवर प्रेम आहे.

शहरात दोन डॉन आहेत .दुराई आणि सेथु .दोघांच्यात वैर आहे पण एक समजोता ही आहे.त्यामुळे सहसा मारामारी भांडणे होत नाही.दुराई रायनला आणि त्याच्या कुटुंबाला ओळखतो .तो रायनच्या वाटेला जात नाही.शेखर रायनचा गॉडफादर .चेन्नईला त्यानेच रायन आणि कुटुंबाला आसरा दिला होता.

कमिशनर आर.सारगुनम बदली होऊन चेन्नईत आलाय.त्याला दुराई आणि सेथु या दोघांचाही कायमचा बंदोबस्त करायचा आहे पण त्यांच्यात काहीच घडत नाहीय.म्हणून तो स्वतः च त्यांच्यात काहीतरी घडेल अशी योजना आखतो.

दुर्गाचे लग्न ठरले आहे. रायन त्यासाठी पैसे जमवायचे प्रयत्न करतोय.  मुथु एक दिवस दारू प्यायला बारमध्ये जातो .तिथेच दुराईचा मुलगा दारू प्यायला आलाय आणि त्याला मारायला काही गुंड आलेत.पण त्यातील काहीजण मुथुची छेड काढतात आणि तिथे भयंकर हाणामारी होते.मुथु स्वतः ही जखमी होतो.

त्या हाणामारीत दुराईचा मुलगा ठार झाला हे रायनला कळते आणि दुराईला मुथुचे नाव कळते.दुराई रायनला मुथुला त्याच्या स्वाधीन करायची धमकी देतो .

रायनसाठी कुटुंब प्रिय आहे.तो मुथुला दुराईच्या स्वाधीन करेल का ?? आणि त्यामुळे हे प्रकरण शांत होईल का ? सेथुही दुराईचा काटा काढण्याची संधी शोधतोय.त्यालाही रायन हवाय.

कमिशनरला हे गॅंगवॉर हवे आहे कारण त्यामुळेच सर्व गुंड संपून जाणार आहेत.त्यासाठी त्यालाही रायनची गरज भासणार आहे.

रायनला कुटुंब सोडून कोणीच प्रिय नाही. दुर्गा त्याची आवडती बहीण आहे आणि तिच्या सुखासाठी तो कोणत्याही थराला जाऊ शकतो .

धनुष रायनच्या प्रमुख भूमिकेत आहे.अतिशय कमी संवाद ,गंभीर चेहरा आणि खुनशी नजर घेऊनच चित्रपटभर वावरला आहे. प्रकाशराज कमिशनर झालाय.तर सुदीप किशनने मुथुची भूमिका केलीय.

चित्रपटात हाणामारी हिंसाचार आणि रक्तपात भरपूर आहे. काहीप्रसंग तर अंगावर येणारे आहेत.

चित्रपट प्राईम व्हिडिओवर हिंदी भाषेत आहे.