MEG 2

Meg 2 : The Trench

मेग 2 : द ट्रेंच

जोनास टेलर समुद्र पर्यावरण रक्षक आहे .तो त्याची 14 वर्षाची मुलगी मेंईग आणि मेहुणा जिउमिंग झांग सोबत समुद्री पर्यावरणाचे रक्षण करणाऱ्या कंपनीसाठी काम करतात .सध्या ते मेग अर्थात महाकाय शार्कवर काम करतात. एक हैंनं नावाची महाकाय शार्क त्यांच्या निरीक्षणाखाली आहे.

समुद्रात अगदी खोलवर अतिशय वेगळे आणि दुर्मिळ दिसणारे जग आहे आणि त्याचा अभ्यास करण्यासाठी काही खास यंत्रे टेलरच्या कंपनीने बनविली आहेत. 

ही यंत्रे साधारण 25 हजार फूट समुद्रखाली जाऊन तिथल्या जीवसृष्टीचा अभ्यास करणार असतात . टेलर , मेंईग, झांग सोबत अजून तीन जण अश्या दोन यंत्रातून खाली समुद्रखाली जातात.

त्याचवेळी हैंनं बेसच्या पहाऱ्यातून निसटले. ती खोल समुद्रात शिरते आणि तिला अजून दोन  मेग भेटतात. हे सर्व टेलर आणि साथीदारांवर हल्ला करतात. बेसवरून त्यांच्या सुटकेसाठी पाणबुडी सोडायचे हुकून होतात पण ती कोणीतरी नादुरुस्त केलेली असते.

तीन शार्क त्यांची यंत्रे तोडून टाकतात.आता त्यांना समुद्रातून तीन किलोमीटर चालत सुरक्षित ठिकाणी जायचे असते. वाटेत महाकाय खतरनाक समुद्री जलचर आहेत. कसेबसे ते सुरक्षित ठिकाणी पोचतात पण तिथे त्याना ठार मारायला काहीजण हजर आहेत.इतकेच नव्हे तर बेसही आता काही सशस्त्र लोकांच्या ताब्यात आहे. 

टेलर बेसवरील आपल्या माणसांना घेऊन छोट्या बोटीतून बाहेर पडतो . पण समुद्रात ते तीनही शार्क त्यांच्या स्वागतासाठी तयार आहेत.फन आयलंड नावाचे छोटे बेट जवळच आहे.अनेक लोक तिथे पिकनिकसाठी आलेत.शार्कची नजर त्यांच्यावर गेली. 

टेलर त्या शार्कपासून आणि सशस्त्र गुंडांपासून स्वतःच्या फॅमिलीचे आणि बेटावरील लोकांचे रक्षण करेल का ??

पहिल्या मिनिटापासून शेवटपर्यंत श्वास रोखून ठेवणारा हा चित्रपट आपल्याला गुंतवून ठेवतो.

ऍक्शन किंग जेसन स्टेथम यात टेलरच्या भूमिकेत आहे. 

चित्रपट हिंदी भाषेत जिओ सिनेमावर आहे.

ज्यांना ऍक्शन ,थरारक ,थ्रिलर चित्रपट आवडतात त्यांनी नक्की पहावा.