डीसेप्शन पॉईंट

डीसेप्शन पॉईंट 

डॅन ब्राऊन 

अनुवाद अशोक पाध्ये 

मेहता पब्लिशिंग हाऊस

उत्तर ध्रुवावर आर्टिक महासागराच्या बर्फाळ वातावरणात  अमेरिकन अंतराळसंस्था नासाचा एक महत्त्वपूर्ण प्रकल्प चालू आहे .

आज रात्री आठ वाजता त्या शोधाची अधिकृत घोषणा राष्ट्राध्यक्ष झर्ची हेन्री व्हाईट हाऊसमधून करणार आहेत. हा शोध नासाचे आधीचे अयशस्वी प्रोजेक्ट आणि त्यात वाया गेलेला बेसुमार पैसे वसूल करणारा आहे.अमेरिकन जनतेची नासाविषयीची पूर्वदूषित मते बदलणारी ठरतील.

सेनेटर थॉमस सेक्टन अमेरिकेच्या राष्ट्राध्यक्षपदाच्या निवडणुकीसाठी उभे राहिलेत. नासावर होणारा प्रचंड खर्च थांबवून त्या पैश्याचा उपयोग जनतेच्या भल्यासाठी करावा हा त्याच्या प्रचाराचा मुख्य मुद्दा आहे आणि जनतेने काही प्रमाणात तो उचलून धरला आहे.

रॅचेल सेक्टन एनआरओ या गुप्त विभागात डेटा अनलिस्ट म्हणून काम करतेय. सेनेटर थॉमस सेक्टन तिचे वडील. पण दोघात काही फारसे पटत नाही.

आज तिला अचानक व्हाईट हाऊसमधून राष्ट्राध्यक्षाचे आमंत्रण येते .तिच्यासाठी खास विमानाची सोय केली होती. राष्ट्राध्यक्षांनी तिला आर्टिक महासागरावर नासाच्या प्रोजेक्टवर तिला पाठविले . तीचे विमान त्या बर्फाच्या जमिनीवर उतरताच ती हादरून गेली.नासाचा भव्य प्रोजेक्ट त्या हिमनगावर चालू होता.त्या बर्फाची जाडी साधारण तीनशे फूट होती आणि तो शेकडो मैल पसरला होता.

तिथेच मायकेल टॉलंड हा प्रसिद्ध समुद्री शास्त्रज्ञ, कॉरकी मर्लिनसन  खगोलशास्त्रज्ञ, नोराह मँगोर ही ग्लासीलॉजी तज्ञ, आणि वाईली मिंग पुरातन जीवष्म शास्त्रज्ञ त्या प्रोजेक्टवर निरीक्षण करण्यासाठी थेट राष्ट्राध्यक्षांकडून नेमले आहेत. 

रॅचेल समोरच साधारण दोनशे फूट खोल बर्फात गाडलेला दगड बाहेर काढण्यात आला .प्रत्यक्षात तो दगड नसून तीनशे वर्षांपूर्वी अंतळातून पृथ्वीवर पडलेली उल्का आहे आणि या उल्कात 19 कोटी वर्षापूर्वीचे जीवाष्म आढळून आलेत.

रॅचेलने ह्या शोधाची माहिती राष्ट्राध्यक्षांच्या आदेशावरून व्हाईट हाऊसच्या सर्व कर्मचार्यांना दिली. या शोधामुळे राष्ट्राध्यक्ष पुन्हा निवडणूक जिंकतील आणि नासा पुन्हा जोराने अंतराळ मोहिमा चालू करतील.

पण डेल्टा फोर्सचे तीन कमांडो या प्रोजेक्टवर लांबून लक्ष ठेवून आहेत.त्यांचे मधमाशीच्या आकाराचे छोटे कॅमेरे तिथे फिरतायत आणि सगळे रेकॉर्डिंग करतायत.

जिथून उल्का बाहेर काढली तिथे आता दोनशे फूट खोलीची विहीर तयार झालीय. मिंग तिथे गेला असता त्या पाण्यात काहीतरी विचित्र गोष्ट दिसते .कुतूहलाने तो त्या पाण्याची तपासणी करायला जातो .त्याच्यावर नजर ठेवणाऱ्या डेल्टा फोर्सला नाईलाजाने त्याला मारावे लागते.

पण काहीवेळाने रॅचेल आणि बाकी तिघांना ही वेगळेपणा जाणवतो . ते काय आहे हे कळताच चौघेही हादरून जातात. डेल्टा फोर्स आता त्यांच्या मागावर आहेत.त्यांना जिवंत सोडू नका असा स्पष्ट आदेश आहे.

असे काय आहे जे प्रसिद्ध होऊ नये म्हणून काहीजण त्यांच्या जीवावर उठले.आर्टिक महासागराच्या हिमनगावर हा थरार चालू होतो आणि त्याचा थेट संबंध व्हाईट हाऊसशी आहे.

डॅन ब्राऊनची नेहमीसारखी चोवीस तासात अर्धे जग फिरवणारी अत्याधुनिक उपकरणे वापरून रहस्याचा शोध घेणारी एक थरारक उत्कंठा वाढवीत नेणारी वैज्ञानिक कादंबरी .