रात अकेली है

Raat Akeli Hai

रात अकेली है

रात्री त्या सुनसान रस्त्यावर एका कारला मागून आलेल्या ट्रकने जोरदार धडक दिली . नंतर ट्रकमधून तो माणूस उतरला आणि कारमध्ये जखमी झालेल्या मध्यमवयीन महिलेची आणि ड्रायव्हरची हत्या केली .नंतर त्यांची प्रेते एका फॅक्टरीत गाडून टाकली.प्रेतांची व्हिलेवाट लावताना त्याचे हात ऍसिडने भाजले.

या गोष्टीला पाच वर्षे उलटून गेलीत.इन्स्पेक्टर जटिल यादव त्या छोट्या शहरात बदली होऊन आलाय. एके रात्री त्याला गावातील हवेलीत हत्या झालीय असा फोन येतो.त्या हवेलीत काहीतरी मोठा समारंभ चालू होता.चौकशी करताना असे कळले की ठाकूर रघुवीरसिंहचे लग्न होते आणि त्याचीच कोणीतरी क्रूरपणे हत्या केलीय.

ठाकूर रघुवीरसिंहचे हे  दुसरे लग्न होते.त्यांची ही पत्नी त्यांची रखेली होती आणि त्यांच्यापेक्षा वयाने अर्धी होती. घरात त्यांची बहीण ,तिचा मुलगा, मुलगी तसेच रघुवीरसिंह च्या पहिल्या पत्नीचा भाऊ ,मुलगा ,सून आहेत.

आता सर्व संपत्ती राधा अर्थात त्यांच्या रखेलीला मिळणार म्हणून चिडले आहेत. जटिल यादव राधाला ओळखतो .त्यानेच पाच वर्षांपूर्वी ट्रेनमध्ये तिला वाचविले होते. ती खून करणार नाही याची त्याला खात्री आहे. जटिल यादवला विक्रमवर म्हणजेच त्याच्या भाच्यावर संशय आहे .कारण राधा आणि विक्रमचे एकमेकांवर प्रेम आहे.पण विक्रमचे लग्न तेथील आमदार आणि रघुवीरसिंह चा मित्र मुन्ना राजाच्या मुलीशी होणार आहे.

जटिल या प्रकरणाच्या मुळाशी जाऊन सत्य शोधून काढतो पण ते सत्य कोणाच्या पचनी पडत नाही.

असे कोणते सत्य आहे ज्यामुळे ठाकूर रघुवीरसिंहची हत्या झाली.पाच वर्षांपूर्वी त्यांच्या पत्नीला कोणी मारले.

एक रहस्यमय थ्रिलर चित्रपट नेटफ्लिक्सवर हिंदी भाषेत आहे.

नवाझुद्दीन सिद्दीकी ,राधिका आपटे, आदित्य श्रीवास्तव यात प्रमुख भूमिकेत आहेत.