शेखर होम

Shekhar Home

शेखर होम 

पश्चिम बंगालमध्ये लोनपूर नावाचे छोटे शांत गाव आहे. या गावात तसे काहीच घडत नाही. शेखर होम नावाचा एक गृहस्थ त्या गावात राहतो. तो कोण कुठला हे कोणालाच माहीत नाही पण गावात कोणाची बकरी शोधून देतो किंवा काही छोटे मोठे गुन्हे सोडवून देतो. त्याची निरीक्षणशक्ती अफाट आहे. 

जयव्रत सैनी आर्मीमध्ये डॉक्टर होता. लोनपूरच्या आश्रमात मनःशांतीसाठी आला होता.काही दिवस शेखर होमच्यासोबत रूम पार्टनर म्हणून राहायचे होते.पण शेखरने जबरदस्तीने आपला सहाय्यक म्हणून घेतले.

गावात एक शव मिळाले . गावातील पोलिसांना हा धक्का होता .त्यांनी ही आत्महत्या आहे असे जाहीर करून टाकले पण शेखरने तो खून आहे असे सांगून अजूनही खून होतील असे सूचित केले आणि त्याप्रमाणे घडले आणि  शेखरने खरा खुनी शोधून दिला .

पण शेखरवर काहीजणांची नजर आहे.थायलंडमधील आतंकवादी ग्रुप शेखरच्या प्रत्येक हालचालीवर नजर ठेवून आहेत .तर भारतीय गुप्तचर खात्यातील काही अधिकारी ही शेखरवर नजर ठेवून आहे. एम नावाची व्यक्तीही शेखरवर नजर ठेवून आहे.

डॉ. सैनी शेखरला घेऊन खाजगी गुप्तहेर एजन्सी काढतो.ते आजूबाजूच्या गावातील छोट्या मोठ्या केसेस घेतात.

शेवटी ती वेळ येते जेव्हा थायलंडमधील आतंकवादी ग्रुप शेखरच्या घरी पोचतो आणि त्याच्या घरमालकीणीला ताब्यात घेऊन शेखर आणि डॉ सैनिला अशी गोष्ट करायला लावतात जिला शेखर नकार देऊ शकत नाही .

 शेरॉलॉक होम्सवर आधारित ही सिरीज आपल्याला आठ भागात संपूर्ण एक कथा दाखविते.पहिल्या काही भागात शेखरने सोडविलेल्या काही केसेस आहेत नंतर मात्र शेखरचा भूतकाळ चालू होतो आणि त्या लिंक वर्तमानात जोडल्या जातात.

के के मेनन शेखरच्या प्रमुख भूमिकेत तर रणवीर शौरी डॉ सैनीच्या भूमिकेत आहे.

जिओ सिनेमावर ही सिरीज मराठी आणि हिंदी भाषेत आहे.