टुर्बो

Turbo

टुर्बो

देशात हजारो बँक अकाउंट आहेत जी ऍक्टिव्ह नाहीत.त्यात तुमचेही असू शकते.पण तुमच्या अकाउंटमध्ये पैसे भरून ते दुसऱ्या दिवशी ताबडतोब काढून ही घेतले जाऊ शकतात.किंवा तुम्ही कधीतरी कोणाला आधारकार्ड दिले असेल तर तुमचे खोटे बँक अकाउंट काढून त्यात लाखो रुपये भरून ते पुन्हा काढले जाऊ शकतात .

केरळातील छोट्या गावात आज उत्सव चालू आहे .पण  उत्सवात मारामारी झाली नाही तर मजा नाही  आणि त्यात ही तो टुर्बो जोस असेल तर अजून मजा. पण ह्यावेळी जोसच्या आईने त्याला गावाबाहेर पाठविले आहे .आणि जोस आईवर खूप प्रेम करतो. पण उत्सवात यावेळी त्याचा जिवलग मित्र जेरीवर हल्ला होतो आणि त्याला वाचवायला  जोसला यावेच लागते. 

पण यावेळी ही नेहमीची लढाई नव्हती.जेरीच्या प्रेयसीच्या बापाने जेरीला मारायला गुंड पाठविले होते आणि ते इंदूचा दुसऱ्या दिवशी साखरपुडा करणार होते.जोस तसा भोळा आहे तो ताबडतोब इंदूच्या घरी जाऊन तिला उचलून जेरीच्या पुढ्यात आणून ठेवतो .जेरी घाबरून तिला ओळखायला नकार देतो. इंदू चिडून चेन्नई ला निघून जाते.ती एका बँकेत मॅनेजर आहे.इकडे तिचे आईवडील पोलीस तक्रार करतात आणि जोसची आई इंदूला घरी सोडण्याचे फर्मान काढते.तिला आणायला जोस चेन्नई ला येतो.

जेरीही एका बँकेत मॅनेजर आहे. एका कस्टमरच्या अकाउंटमध्ये अचानक सत्तर लाख येतात अशी तक्रार त्याच्याकडे येते .विशेष म्हणजे त्या खातेधारकाचे  फार पूर्वी निधन झालेले आहे.आणि पैश्याचा व्यवहार ही जेरीच्या अकाउंटमधून झालाय. जेरी या प्रकरणाचा तपास घेण्याचे ठरवितो आणि एक मोठे षडयंत्र त्याच्या समोर उघड होते.

त्या षडयंत्रातील माणसे आता जेरीच्या पाठी लागली आहेत.पण टुर्बो जोस आपल्या पाठीशी आहे तोवर काहीही होणार नाही असा जेरीचा विश्वास आहे.

जोस जेरीला वाचवून हे षडयंत्र सर्वांसमोर आणेल का ??

चित्रपटाच्या शेवटी याचा दुसरा भाग ही येईल हे सूचित केले आहे.

सुपरस्टार मामुटी टुर्बो जोसच्या प्रमुख भूमिकेत आहे.थोडासा  भोळा निरागस पण ऐनवेळी डोक्याचा वापर करणारा हा वेगळाच मामुटी आपल्याला दिसतो.नेहमीप्रमाणे सुरेख असे ऍक्शन सीन यात आहेत.आणि सुसाट वेगाने होणारा पाठलाग श्वास रोखून ठेवतो.

सोनी लिव वर हा चित्रपट हिंदी भाषेत आहे.