फिर आयी हसीन दिलरूबा

Phir Aayi Hasseen Dillruba

फिर आयी हसीन दिलरुबा

तुम्हाला हा चित्रपट पाहायचा असेल तर आधी हसीन दिलरूबा पहावा लागेल.पहिल्या भागात राणी आणि रिशू गायब झालेत.पोलीस अधिकारी किशोर रावतची बदली होते तेव्हा तो दिनेश पंडितचे पुस्तक वाचतो आणि त्याला कळते नक्की काय घडले असेल.

आता या गोष्टीला पाच वर्षे झालीत.किशोर रावतची बदली आग्राला झालीय.तिथे राणी एका ब्युटीपार्लरमध्ये कामाला आहे.ती एका म्हातारीकडे पेईगगेस्ट म्हणून राहतेय. तिथेच अभिमन्यू म्हातारीचे बीपी ,शुगर चेक करायला येतो. अभिमन्यू कंपौंडर आहे. तो राणीवर मनापासून प्रेम करतो. 

राणी आणि रिशू चोरून एकमेकांना भेटतात. राणीवर आता किशोर रावतची कडक नजर आहे.त्यातच रिशूचे काका आणि निशीचे मामा इन्स्पेक्टर मोंटूसिंह तपासासाठी आग्राला येतात.ते रिशू आणि राणीचे सगळे मनसुबे उधळून लावतात.

नाईलाजाने पुढील प्लॅन करण्यासाठी राणीला अभिमन्यूशी लग्न करावे लागते. राणीच्या प्रेमाखातर अभिमन्यू त्यांच्या प्लॅनमध्ये सामील होतो.

पण सर्व गोष्टी प्लॅनप्रमाणे घडतील का ?? किशोर रावत आणि मोंटूसिंह त्यांना आडवे येणारच .काही गोष्टी अनपेक्षित घडतात.

पण पुन्हा एकदा दिनेश पंडितचे पुस्तक त्यांच्या मदतीला येते आणि पुन्हा चक्रे फिरतात.

अनपेक्षित वळणे घेणारा हा चित्रपट हिंदी भाषेत नेटफ्लिक्सवर आहे.

तापसी पनू,विक्रांत मेसी ,आदित्य श्रीवास्तव हे पहिल्या भागातील मुख्य कलाकार या भागातही आहेत .पण सनी कौशलने अभिमन्यू आणि जिमी शेरगिलने मोंटूसिंह बनून या भागात दमदार प्रवेश केला आहे. चित्रपटाचा तिसरा भाग कदाचित येऊ शकतो.