जॅक रायन 2

जॅक रायन ..2

जीम ग्रेयर आता मास्कोचा स्टेशन चीफ झालाय .चायनाच्या समुद्रातून एक अनधिकृत  सॅटेलाईट सोडली जाते .ती सॅटेलाईट रशियाने सोडली आहे असा ग्रेयरला संशय आहे .तो त्या बोटीचा शोध घेत असतो. 

व्हेनेझुला देशात प्रचंड अराजकता माजली आहे. खरे तर हा देश सोने आणि तेलाच्या खाणीने समृद्ध आहे पण राष्ट्राध्यक्ष रियासमुळे तो रसातळाला गेलाय.काही कंटेनर त्याच्या देशात आलेय आणि कडेकोट पाहऱ्यात ते जंगलात लपविले गेले. त्या कंटेनरमध्ये रासायनिक शस्त्रे असावी असा जॅक रायनला संशय आहे .तो आपला खास मित्र आणि सेनेटर जिमीसोबत त्या कंटेनरविषयी माहिती घेण्यासाठी  व्हेनेझुलाची राजधानी कऱ्याकसला आलाय.

जॅक आणि जिमी राष्ट्राध्यक्ष रियासची भेट घेतात आणि त्या कंटेनरविषयी विचारतात .पण राष्ट्राध्यक्ष कानावर हात ठेवतात.परतीच्या प्रवासात जॅक आणि जिमीवर हल्ला होतो.त्यात जिमी मारला जातो.आपल्या मित्राच्या मृत्यूला कारणीभूत ठरणाऱ्यांचा शोध घेण्याचे जॅक ठरवितो .त्याच्या मदतीला  ग्रेयर आलाय.

कोणीतरी मोठी रक्कम देऊन जिमी आणि जॅकची सुपारी दिलीय. आता जॅक आणि ग्रेयरला या सर्व प्रकरणाचा मुळाशी जाऊन शोध घ्यायचाय .खरोखरच राष्ट्राध्यक्ष जिमी आणि जॅकच्या हल्ल्यामागे आहेत की आणखी कोण यात अडकले आहेत.?

कऱ्याकसच्या जंगलातील सशस्त्र पहारेकर्यांच्या ताब्यात असलेल्या कंटेनरमध्ये नक्की काय आहे ? चायनातील समुद्रात अनधिकृत सॅटेलाईट कोणी लाँच केले ?? 

हे सर्व जाणून घ्यायचे असेल तर प्राईमवर जॅक रायन सिझन 2 पाहायलाच हवा . हिंदी भाषेत ही सिरीज उपलब्ध आहे .