जाने जान
JAANE JAAN
क्लिंपोंग या निसर्गरम्य गावात माया डिसोझा आपल्या तेरा वर्षाच्या मुलीसोबत राहतेय .तिचा छोटा कॅफे आहे. साधारण तेरा वर्षांपूर्वी ती या शहरात आलीय. तिचा शेजारी नरेन व्यास हा गावातील शाळेत गणिताचा टीचर आहे.एकलकोंडा ,मितभाषी ,आणि मायावर मनापासून प्रेम करणारा .त्याचे मायाच्या प्रत्येक हालचालीवर लक्ष आहे. तो गणितात एकदम मास्टर आहे.सर्व गाव त्याला टीचर म्हणून हाक मारते.
मुंबईतून सब इंस्पेक्टर विजय म्हात्रे गायब झालाय.विजय भ्रष्ट अधिकारी आहे .त्याला शोधून काढण्याची जबाबदारी इन्स्पेक्टर करण आनंद वर येते. करण आनंद जरी हसऱ्या चेहऱ्याचा असला तरी खूप धूर्त आणि हुशार आहे.
विजय म्हात्रे मायचा शोध घेत क्लिंपोंगला येतो.खरे तर तो मायाचा नवरा आणि ताराचा बाप आहे. माया त्याला पाहून हादरते .कारण तीच साधारण तेरा वर्षांपूर्वी त्याच्या जाचालाच कंटाळून पळून आलेली असते. विजय दोघांनाही मुंबईत चलण्याचा आग्रह करतो आणि त्या झटापटीत मायाच्या हातून त्याचा खून होतो.
मायाच्या हातून खून झालाय हे टीचरला कळते आणि तो मायाला मदत करण्याचे ठरवितो. इकडे करण आनंद विजयचा शोध घेत क्लिंपोंगला आलाय आणि तो मायापर्यंत पोचलाय .
करण आनंद हा योगायोगाने टीचरचा कॉलेज मित्र आहे .
आता टीचर विजयच्या प्रेताची कशी विल्हेवाट लावेल.तो माया आणि ताराला या खुनाच्या प्रकरणातून वाचवेल का ??
करण विजयच्या खुनाच्या मुळापर्यंत कसा जाईल ?
करीना कपूर मायाच्या भूमिकेत शोभून दिसते.आता तिचे वय दिसून येते .
विजय वर्माने करण आनंद हा हसऱ्या चेहऱ्याचा विनोद करणारा इन्स्पेक्टर छान उभा केलाय.
नरेन व्यास उर्फ टीचर जयदीप अहलावतने पूर्ण ताकदीने उभा केलाय.त्याचे मोजकेच विचार करून ठामपणे बोलणे.ठराविक दिनक्रमात रमणे. मायावर मनोमन प्रेम करणे छान उभे केलंय.
चित्रपट थ्रिलर आणि थोडा वेगवान आहे.हिंदी भाषेत नेटफ्लिक्सवर आहे.
No comments:
Post a Comment