SONG OF THE BANDITS
सॉंग ऑफ द बँडिस्ट
हा काळ आहे साधारण 1920 चा. जेव्हा जपान आपल्या साम्राज्याचा विस्तार करीत होता.जेसन देश आपल्या स्वातंत्र्यासाठी जपानच्या विरुद्ध उभा राहिला होता. जेसन लोक क्रांतिकारक दल बनवून होते.काही जेसन सरकारी अधिकारी बनून क्रांतीकारकांना मदत करत होते.
ली यून आणि ली वांग उर्फ किमुरा दोघे बालमित्र.सैन्यातील एकाच डिव्हिजनमध्ये होते.ली वांग महत्त्वाकांक्षी आणि राजघराण्यातील तर ली यून गरीब त्याचा गुलाम सरळ साधा माणुसकी असलेला .खरे तर दोघेही जेसन आहेत.
एका मोहिमेत अनेक निरपराध जेसन मारले जातात.त्या घटनेची जबाबदारी ली यून घेतो आणि सैन्यातून बाहेर पडतो तर त्याच घटनेमुळे किमुरा अजून मोठा अधिकारी बनतो .
नाम शिन ही तरुणी जापनीज रेल्वेत अधिकारी आहे .पण तिचा जेसन क्रांतीकारकांना पाठिंबा आहे.तीही एका क्रांतिकारी दलाला मदत करतेय.लवकरच किमुराशी तिचे लग्न होईल पण कीमुराला तिची खरी ओळख माहीत नाही .
जपान्यांचा जेसन लोकांवर होणार अत्याचार पाहून ली यूनही क्रांतिकारी बनतो आणि स्वतःचे दल तयार करतो.
नियोन ही भाडोत्री मारेकरी आहे .तिला ली यूनला ठार मारण्याचे पैसे किमुराने दिले आहेत. पण ती प्रयत्न करूनही त्याला मारू शकत नाही .
रेल्वेच्या विस्तारासाठी दोन लाख वोन घेऊन नाम शिन गंडो गावात निघाली आहे .या पैशावर तेथील लुटारू ,क्रांतिकारक ,ली यून चा डोळा आहे.
नाम शिनला ही ते पैसे आपल्या दलासाठी हवेत आणि त्यासाठी तिने नियोनची मदत घेतलीय .
ते पैसे क्रांतिकारी दल चोरणार याची बातमी किमुराला लागते आणि तो सशस्त्र तुकडी घेऊन क्रांतिकारकांचा खातमा करण्यासाठी बाहेर पडलाय .
हे दोन लाख वोन ज्यांना हवे आहेत त्यांना मिळतील का ?? नाम शिनला अनेक धोके पत्करून पैसे योग्य जागी पोचवाते कामात तिला ली यून मदत करतो .
हे सर्व इथेच थांबत नाही .कीमुराची तुकडी गावांवर हल्ला करते अनेक जण मारले जातात .
आता जपानी साम्राज्य जेसन जमातीला नष्ट करायचे ठरवितो त्यासाठी त्याने तिकडच्या लुटारूना हाताशी धरलेय. एक मोठे सैन्य जेसनचा बंदोबस्त करण्यासाठी निघालंय.
जेसनचा स्वातंत्र्यलढा यशस्वी होईल का ??
प्रचंड ऍक्शन ,गोळीबार ,हाणामारी असलेली ही नऊ भागाची मालिका हिंदी भाषेत नेटफ्लिक्सवर उपलब्ध आहे .
No comments:
Post a Comment