फराझ

FARAAZ

फराझ

फराझ अयाझ बांगलादेशातील उच्च फॅमिलीतील एक तरुण.त्याच्या आईने अमेरिकेतील युनिव्हर्सिटी त्याचे ऍडमिशन नक्की केलय.पण फराझला बांगलादेशात राहायचं .

निब्रस आणि त्याचे मित्र बांगलादेशी मुस्लिम तरुण.तेही उच्चशिक्षित. पण ते आयसिसशी संबंधित आहेत. ईदच्या दिवस चालू आहेत. त्या रात्री फराझ आपल्या दोन मैत्रिणीसोबत एका तारांकित हॉटेलच्या कॅफेत बसलाय. ढाका शहरातील तो कॅफे उच्चभ्रू लोकांसाठी आहे.तिथे अनेक परदेशी व्यक्तीही असतात.

निब्रस आपल्या सहा तरुण साथीदारांसह त्या कॅफेत प्रवेश करतो. सगळ्यांच्या हातात गन्स असतात.आत शिरताच ते बेछूट गोळीबार करून परदेशी व्यक्तींना ठार मारतात .फक्त बांगलादेशी मुस्लिमांना बाजूला ठेवतात.त्याचे फोटो आपल्या लीडरला पाठवतात.

आयसिस या हल्ल्याची जबाबदारी घेते.निब्रस फराझला ओळखत असतो.तो फराझला बांगलादेशाचा राजकुमार म्हणून संबोधतो. आपण युनिव्हर्सिटीत याच्यासोबत फुटबॉलही खेळलो आहे असे सांगतो.

पोलिसांना या घटनेची माहिती कळताच ते कॅफेवर  हल्ला करतात पण त्यात बारा पोलीस मारले जातात आणि त्यांना माघार घ्यावी लागते.स्पेशल फोर्सही हजर होते पण पंतप्रधान टेररिस्टशी बोलणी करायला सांगतात.

याचा शेवट काय होईल ?? त्या उच्चशिक्षित तरुण अतिरेक्यांच्या मागण्या काय आहेत ? फराजचा यात रोल काय आहे ??

इथे कोणतीही एक्शन नाही .कोणताही सुपरहिरो ओलीसाना वाचविण्यासाठी येणार नाही.बाहेर बसलेले ओलिसांचे नातेवाईक प्रचंड दडपणाखाली आहेत .तर आत असलेल्या ओलिसांची हालत ही वेगळी नाही.धर्माच्या नावाखाली हा हल्ला आहे हे आतील सर्वाना कळून चुकलंय .आता आपल्याच जातीचे अतिरेकी आपल्याला ठार करणार का याची भीती ओलीसाना वाटू लागलीय.तर स्थानिक पोलीस हतबल आहेत.

2016 साली बांगलादेशातील ढाका येथील होली आर्टिसन बेकरी येथे घडलेल्या सत्यघटनेवर आधारित हा चित्रपट आहे .

फराझ अयाझला 2016 चा मदर तेरेसा मेमोरियल इंटरनॅशनल अवॉर्डने सन्मानित करण्यात आले.