65

65

६५

65 मिलियन वर्षांपूर्वी अंतराळात सोमारीस नावाचा ग्रह होता. मिल्स हा त्या ग्रहावरील पायलट .आपल्या आजारी मुलीच्या उपचारासाठी तो एक कामगिरी स्वीकारतो.काही  प्रवाश्यांना घेऊन तो आपली शिप घेऊन सोमारिस ग्रहावरून उड्डाण करतो.पण प्रचंड उल्कापात आणि वादळामुळे त्याची शिप एका ग्रहावर आदळते.त्या ग्रहाचे नाव पृथ्वी आहे.

पृथ्वीवरील चिखलात त्याची शिप रुतते आणि नुकसान होते.शिपच्याबाहेर ओसाड गरम आणि दलदलीचे वातावरण आहे.तिथे ज्वालामुखीचा सतत उद्रेक होतोय. त्याला परत आपल्या ग्रहावर नेणारी छोटी शिप पंधरा किलोमीटरवरील उंच डोंगरावर अडकली आहे. हा रस्ता खूपच खडतर आहे पण त्यातही जंगलात फिरणारे अजस्त्र डायनासोर जास्त खतरनाक आहेत.

 प्रवासात त्याला सहा वर्षाची छोटी कोया भेटते. तीही त्याच्या शिपमधील प्रवासी आहे.तिचे आईवडील प्रवासात मृत्यू पावले .आता कोयाला आपल्या सोबत पुन्हा मायदेशी नेण्याची जबाबदारी मिल्स स्वीकारतो.

या प्रवासात क्षणोक्षणी धोका आहे. महाभयंकर क्रूर डायनासोर सगळीकडे त्यांची शिकार करायला टपून बसलेत.ते संधी मिळताच त्यांच्यावर हल्ले करत राहणार.

मिल्स आणि कोया या अवघड धोकादायक प्रवासातून सुखरूप शिपपर्यंत पोचतील का ??

केवळ दोन पात्रे आणि डायनासोर यांचे थरारक युद्ध पहायचे असेल तर 65 नेटफ्लिक्सवर नक्की पहा.

चित्रपट हिंदी भाषेत आहे.